Kókshetaýda «Qnet» qarjy pıramıdasyn uıymdastyrǵan kúdiktiler anyqtalyp, qamaýǵa alyndy, dep habarlaıdy Egemen.kz,
Aqmola oblysy boıynsha Qarjy monıtorıngi departamentiniń baspasóz qyzmeti habarlaǵandaı, jedel izdestirý is-sharalaryn júrgizý barysynda Kókshetaý qalasynyń aýmaǵynda «Qnet» halyqaralyq kompanııasy ónimderiniń ınternet-saýdasyn jamylyp jumys istegen qarjy pıramıdasynyń basshylary tobyna qatysty sotqa deıingi tergeý bastaldy.
«Qylmystyq isti tergeý aıasynda kúdiktiler Qylmystyq prosessýaldyq kodekstiń 128-baby tártibinde ustalyp, Kókshetaý qalalyq PB ýaqytsha staý oqshaýlaǵyshyna qamaldy. Sonymen birge Kókshetaý qalasynyń mamandandyrylǵan tergeý soty kúdiktilerge qatysty 2 aı merzimge «kúzetpen ustaý» bultartpaý sharasyn sanksııalady. О́zge aqparat Qylmystyq prosessýaldyq kodekstiń 201-baby tártibinde tergeý múddesinde jarııa etilmeıdi», delingen vedomstvo aqparatynda.