ER BAÝKEŃNIŃ QYZY ELENA ATAMEKENINE KELIP, ÁRÝAQTAR RÝHYNA ZIIаRAT ETTI

Jazylǵan jaıdyń jańǵyryǵy 2005 jylǵy aqpanda “Egemen Qazaqstan” gazetine “Er Baýkeńniń qyzy Elena” degen kó­lemdi maqala jarııala­ǵan­byz. Tyń derek bol­ǵandyqtan bolar, ony qalyń kópshilik izdep júrip oqydy, tipti “as­yl­dyń synyǵy tabyl­dy” dep bir-birinen súı­inshi surap, qaýqyl­das­qan qarııalarǵa da kýá bolǵanbyz. Batyrdyń qy­zyn elge shaqyrý ki­silik ekenin aıtyp, sol kezdegi oblys bas­shy­lyǵyna maqala avtory retinde hat ta jaz­­ǵan­byz. Kóp uzamaı Elena Baýyrjanqyzy Kor­kına Alataýdyń bókte­rindegi Almatyǵa kelip, baýyry Baqytjanmen kezdesti. Áke qabirine zııarat etti.Biraq ýaqyttyń tyǵyzdyǵynan bolar, ákesiniń kindik qany tamǵan qasıetti Jýaly óńirine joly túspedi. “Sabyr túbi sary altyn”. Ja­qynda Elena ápkemiz qasıetti Ta­raz-Áýlıeta-Jambyl jerine kelip, batyr Baýkeń týǵan Jýaly aýda­nyn­daǵy Momysh bulaǵynyń ba­syna baryp zııarat etti. Batyrdyń týǵanyna 90 jyl tolý qurmetine oraı osydan on jyl buryn Serik Úm­betovtiń qoldaýymen turǵyzyl­ǵan, búginde Taraz qalasynyń tó­rinde órlik pen erliktiń sımvolyna aınalyp turǵan batyr eskertkishine qos baýyr Baqytjan men Elena gúl shoqtaryn qoıyp, áke rýhyna bas ıdi. Elenanyń júreginde ákesi Más­keýge kelgen saıyn qulaǵyna quıa­tyn “Aınalaıyn” degen qazaqtyń altynǵa para-par sózi máńgilikke qalyp qoıǵan. Odan keıin Momysh­uly otbasy muzarttarynyń biri - “Mýzeı apanyń” sýreti kóz aldy­nan ketpeıdi. Álbette, “Baqytjan baýyrym men asqar shyńdy Ala­taýdy bir kórsem” degen arman da kózine jas aldyratyn. Ákesi aıt­paqshy, aınalaıyn, qazaq eliniń keń júregi men baýyrmal týys­qandar peıiliniń arqasynda, mine, sol arman da oryndaldy. Qarańyzdarshy, biri Máskeýde, ekinshisi Almatyda turatyn qos baýyrdyń qatar júrgeni qandaı jarasymdy! Kósemáli SÁTTIBAIULY, Jambyl oblysy. Sýrette: Baýkeńniń kóp jyldan keıin tabysqan urpaqtary Baqyt­jan men Elena Taraz qalasynyń tórinde.