Almatyda ótip jatqan stend atýdan Azııa chempıonatynda Qazaqstan quramasy 11 medal ıelendi, dep habarlaıdy Egemen.kz Olympic.kz saıtyna silteme jasap.
Olardyń barlyǵy «trap» jattyǵýynan jeńiske jetti. Jekeleı synda Sársenkúl Rysbekova úshinshi boldy. Jasóspirimder arasyndaǵy jarysta Maksım Bedarev jeńis tuǵyrynyń ekinshi satysyna kóterildi. Altyn medaldi Anıta Nurlanova jeńip aldy.
Nargıza Sarmanova ekinshi, Anastasııa Prılepına úshinshi boldy. Jasóspirimder arasynda komandalyq esepte bizdiń sportshylar chempıon atandy.
«Trap/mıks» aralas jattyǵýynda Marııa Dmıtrıenko men Vıktorıa Hasıanov kúmis medal ıelendi. Baǵdarlamanyń bul túrinen jasóspirimder arasynda Anastasııa Prılepına men Bogdan Konchenko birinshi bolyp, Marııa Martınkevıch/Nıkıta Moıseev dýeti «kúmis» jeńip aldy.
Áıelder arasyndaǵy komandalyq esepte Qazaqstan quramasy qola júldege qol jetkizdi. Jasóspirimder óz kezeginde birinshi boldy.