Indonezııanyń astanasy Djakartada Dımash pen Qazaqstannyń mádenıetine arnalǵan 10 kúndik kórme ótti, dep habarlaıdy Egemen.kz.
Is-shara qonaqtaryna oryndaýshynyń konsertteriniń biri kórsetildi, sondaı-aq Qazaqstannan sýretter men kádesyılar usynyldy.
Kórme 2022 jylǵy 29 maýsymnan 8 shildege deıin «Indonezııa Respýblıkasynyń Ulttyq kitaphanasynda» ótti. Is-sharany Qazaqstan Respýblıkasynyń Indonezııadaǵy elshiligi men Indonezııa Respýblıkasynyń Nur-Sultandaǵy elshiliginiń qoldaýymen Dımash Qudaıbergen DIDFC Indonezııalyq fan-klýby uıymdastyrdy.
Is-shara barlyq nıet bildirýshiler úshin tegin boldy. Dears barlyq qonaqtar úshin Dımashtyń «Daıdıdaý» jáne «Lıýbov ýstavshıh lebedeı» ánderimen tańǵajaıyp qoıylymdar daıyndady, olar túpnusqada da, Indonezııalyq nusqada da shyrqaldy.
Qazaqstandyq oryndaýshynyń shyǵarmashylyǵymen tanysqannan keıin qazaq tilin belsendi meńgere bastaǵan Dımashtyń jankúıeri Tıta Djadjosman Muhtar Áýezovtiń «Eńlik-Kebek» atty belgili poemasyn oqyp, qonaqtardy tańǵaldyrdy.
Sondaı-aq kórmeniń ashylý kúni barlyq qonaqtar úshin Dımashtyń «D-Dynasty» konsertin tamashalaý uıymdastyryldy.
Osydan keıin resmı ashylý rásimi ótti. Didfc fan-klýby jáne eki elshilik ókilderi sóz sóıledi.
Kórmede Dımashtyń fotosýretteri, onyń shyǵarmashylyǵy týraly aqparat, sondaı-aq Qazaqstannyń sýretteri men kádesyılary, onyń ishinde kelýshiler tamashalaı alatyn dombyra men dástúrli kıimder usynyldy.