Fýtboldan ÝEFA Konferensııa lıgasynyń irikteý kezeńderine qatysyp jatqan qazaqstandyq «Tobyl» men «Qyzyljar» klýbtarynyń pleı-off kezeńindegi yqtımal qarsylastary belgili boldy.
Seısenbi kúni Shveısarııanyń Non qalasynda Eýrokýbok oıyndarynyń jerebesi tartyldy. Jerebege sáıkes eger Qostanaıdyń «Tobyly» Konferensııa lıgasynyń úshinshi irikteý kezeńinde Bosnııa jáne Gersegovınanyń «Zrınskıinen» basym túsetin bolsa, onda pleı-off satysynda Eýropa lıgasyndaǵy «Olımpıakos» (Grekııa) – «Slovan» (Slovakııa) jubynyń jeńilgen komandasymen kezdesedi.
Al úshinshi aınalymda Kıprdiń APOEL klýbymen oınaıtyn Petropavldyń «Qyzyljaryna» «Sfyntýl George» (Rýmynııa) – «Iýrgorden» (Shvesııa) jubynyń jeńimpaz komandasy qarsylas atanýy múmkin. Pleı-off kezeńiniń matchtary 18 jáne 25 tamyz kúnderine josparlanǵan. «Tobyl» men «Qyzyljar» búgin Konferensııa lıgasynyń úshinshi irikteý kezeńindegi alǵashqy oıyndaryn syrt alańda ótkizedi.