Úndistanda ótip jatqan shahmat olımpıadasynyń besinshi týr oıyndary máresine jetti. Bul týrda Qazaqstan qyzdar quramasy Kýbany jeńse, erler Latvııa shahmatshylaryn tize búktirdi.
Qazaqstan erler quramasynan besinshi týrda Álisher Súleımenov, Rınat Jumabaev, Arystanbek Orazaev jáne Qazybek Nógerbek óner kórsetip, barlyǵy da qarsylastaryn 1:0 esebimen qapy qaldyrdy. Bir aıta keterligi, Q.Nógerbek bes týr boıy 100 paıyzdyq nátıje kórsetip, barlyq oıyndy jeńispen túıindep keledi. Bizdiń jigitter keshe bes kezdesýdiń tórteýinde jeńiske jetip, bireýinde jeńilip qalǵan Chehııa quramasymen oınady.
Al quramynda Jansaıa Ábdimálik, Gúlishan Nahbaeva, Bıbisara Asaýbaeva jáne Ksenııa Balabaeva bar áıelder quramasy besinshi týrda Kýbany jeńdi – 3:1. Alǵashqy eki sportshymyz qarsylastarynan aılasyn asyrsa, keıingi eki shahmatshymyz teń tústi. Qyzdarymyz keshe Ázerbaıjan quramasymen sheberlik baıqasty.