Qaırat Bekenov Atyraý oblysy ákiminiń orynbasary qyzmetinen ketti, dep habarlaıdy Egemen.kz.
Bekenov Qaırat Áskerbekuly qyzmetinen óz erkimen jumystan ketti.
Qaırat Bekenov 1978 jyly 31 qazanda dúnıege kelgen, Qazaq memlekettik basqarý akademııasyn («ekonomıst» mamandyǵy boıynsha), quqyq jáne naryq akademııasyn («Zańger» mamandyǵy boıynsha), QR Prezıdenti janyndaǵy Memlekettik basqarý akademııasyn («Memlekettik jáne jergilikti basqarý magıstri») bitirgen.
Ár jyldary Almatynyń salyq ınspektory, QR Qarjy mınıstrliginiń Úkimettik qaryzdardy tartý departamenti basqarmasynyń bastyǵy, QR Prezıdenti Ákimshiliginiń memlekettik baqylaý jáne uıymdastyrý jumysy bóliminiń bas ınspektory bolyp jumys istedi.
Sondaı-aq Qaırat Bekenov Nur-Sultan qalasy Saryarqa aýdany ákiminiń orynbasary, Qyzylorda qalasy ákiminiń orynbasary, Soltústik qazaqstan oblysy ákiminiń orynbasary, «Aqtóbe» ÁKK» UK» AQ Basqarma tóraǵasy, Aqtóbe oblysy ákiminiń orynbasary qyzmetterin atqardy.