Qytaı Szıýsıýan ǵarysh aılaǵynan «Chanchjen-2F» (Long March-2F) zymyran tasyǵyshynyń kómegimen kóp ret paıdalanýǵa bolatyn tájirıbelik ǵarysh apparatyn ushyrdy, dep habarlaıdy Egemen.kz Sınhýa agenttigine silteme jasap.
Ushyrylym sátti ótti. Ǵarysh kemesi orbıtada biraz ýaqyt bolǵannan keıin Qytaıdaǵy belgilengen qoný ornyna oralady.
Josparǵa sáıkes, ushý kezinde qurylǵy ǵarysh keńistigin beıbit zertteýge tehnıkalyq qoldaý kórsete otyryp, kóp ret paıdalanýǵa arnalǵan tehnologııalar men orbıtada qyzmet kórsetý tehnologııalaryn synaýmen aınalysady.
Bul «Chanchjen-2F» zymyran tasyǵyshtarynyń 18-shi ushyrylymy boldy.