Qazgıdromet sınoptıkteri 6, 7 jáne 8 tamyzdaǵy aýa raıyna qatysty boljam jasady, dep habarlaıdy Egemen.kz.
Boljam boıynsha, aldaǵy kúnderi Qazaqstannyń batysy men soltústik-batysynda jaýyn-shashynsyz aýa raıy kútiledi.
«Eldiń qalǵan bóliginde aýa raıy ońtústik sıklon jáne onymen baılanysty atmosferalyq frontal bólikter yqpalyna baılanysty bolady. Munda kóbinese jańbyrly aýa raıy boljanady - naızaǵaı, ekpindi jel soǵyp, qysqa merzimdi jańbyr jaýady. Respýblıkanyń ortalyǵynda, soltústiginde, ońtústiginde jáne ońtústik-shyǵysynda qatty jańbyr, burshaq, jel bolýy múmkin», delingen habarlamada.
Aýa temperatýrasynda aıtarlyqtaı ózgerister bolmaıdy:
kúndiz batysta +30 +37 gradýs;
ońtústik-batysta +27 +37 gradýs;
soltústik-batysta +27 +35 gradýs;
soltústikte, shyǵysta +22 +30 gradýs;
ortalyqta +20 +28 gradýs;
ońtústikte, ońtústik-batysta, eldiń shyǵysynda +30 +35 gradýs;
taýly aımaqtarda +25 gradýs shamasynda.