ZAŃ JOBALARYNYŃ DAIYNDYǴY QARALDY

Keshe Parlament Májilisiniń Tóraǵasy Oral Muhamedjanovtyń jetekshiligimen ótken palata bıýrosynyń otyrysynda zań jobalarynyń daıyndyǵy týraly máseleler qaraldy, dep habarlady Májilistiń baspasóz qyzmeti. Ekonomıkalyq reforma jáne óńirlik damý komıtetiniń usynýymen “Memlekettik mú­lik týraly” jáne soǵan sáıkes keı­bir zań aktilerine ózge­ris­ter engizýdi kózdeıtin zań jo­ba­lary birinshi oqylymda pa­lata depýtattarynyń talqy­sy­na usynylatyn boldy. Son­daı-aq, keıbir zańnamalyq ak­tilerge elimizdiń “Elektrondyq úkime­tin” damytý máselelerine qa­tysty túzetýler engizýdi qa­rastyratyn zań jobasy ekinshi oqylymda talqylanatyny josparlanýda. Halyqaralyq ister, qorǵa­nys jáne qaýipsizdik komıteti birqatar zań jobalaryn qaraý­dy usynyp otyr. Atap aıt­qan­da, “Dóńgelekti kólik qural­da­ryna ornatylýy jáne paıda­la­ny­lýy múmkin jabdyqtaý zat­ta­ry men bólshek­terge arnalǵan birkelki tehnı­kalyq uıǵarym­dar­dy qabyldaý týraly jáne osy uıǵarymdardyń negizinde beriletin resmı bekitýdi ózara moıyndaý sharttary týraly ke­li­simdi ratıfıkasııalaý týra­ly”, “Dóńgelekti kólik qu­ral­da­ryn merzimdi tehnıkalyq baıq­aýǵa arnalǵan birkelki talap­tardy qabyldaý týraly jáne osyndaı baıqaýlardy ózara moıyndaý týraly kelisimdi ra­tıfıkasııalaý týraly” zań jobalary jalpy otyrysqa shyǵarylady. Elimizdiń birqatar zańdary­na saqtandyrý máselelerin retteýge baılanysty zań joba­sy ekinshi oqylymǵa usyny­latyny jóninde Qarjy jáne bıýdjet komıtetiniń málimeti tyńdaldy. Jalpy otyrystyń kún tártibine birneshe zań jobasy boıynsha qorytyndy ázirleýge qatysty, sondaı-aq keıbir zań jobalaryna Senat engizgen ózgerister men tolyq­tyrýlar jóninde máseleler engiziletin boldy. Bıýroda ústimizdegi jylǵy 10-11 maýsym kúnderi Zańnama jáne sot-quqyqtyq reforma ko­mıtetiniń Qaraǵandy obly­syn­da kóshpeli otyrysyn ótki­zý týraly sheshim shyǵaryldy. “Egemen-aqparat”.