Bul týraly Nur-Sultan qalalyq Tótenshe jaǵdaılar departamentiniń baspasóz qyzmeti málim etti, dep habarlaıdy Egemen.kz.
«6 tamyz saǵat 20:05-te Nur-Sultan qalasynyń TJD bólimsheleri Tólebaev kóshesi, 6 mekenjaıynda ornalasqan «Arystan« turǵyn úı kesheninde órt shyqqany týraly habarlamaǵa dereý shyqty. Shaqyrtý ornyna órt sóndirýshiler úsh mınýtta jetti. О́rt sóndirý barysynda qoıma nysanynda 25 sharshy metr alańda qurylys materıaldary men plastıkalyq buıymdar janǵany anyqtaldy. О́rt sóndirýshilerdiń kúshimen jalynnyń taralýy saǵat 20:21-de toqtatylyp, 20:32-de tolyǵymen sóndirildi. Qaza bolǵandar men zardap shekkender joq», delingen TJD habarlamasynda.