Azamattardyń múddelerin qorǵaý qajet

– Úkimettiń sońǵy keńeıtilgen otyrysynda Memleket basshysy qoǵamdy tolǵandyryp otyrǵan birqatar naqty áleýmettik-eko­nomıkalyq problemany atap ótti. Olardyń ishinde baǵanyń ósýi, jekelegen taýar túrlerin jet­kizýdegi irkilister, azyq-tú­lik qaýip­sizdigi máseleleri, ha­lyqtyń naqty tabysynyń tómendeýi sııaqty máseleler bar. Partııa bul jumysqa belsendi aralasýy kerek. Jergilikti jer­lerdegi ahýaldyń tıimdi monı­torıngin qamtamasyz etý ma­ńyzdy. Áleýmettik mańyzy bar taýarlardyń baǵasy erekshe nazarda bolýǵa tıis. Júıeli problemalardy jedel anyqtap, olar boıynsha óz sheshimderin usyný qajet, – dedi E.Qoshanov.

Partııa Tóraǵasy bul úshin amanattyqtardyń barlyq qa­jetti resýrstary bar ekenin atap ótti. Olar: keń fılıaldyq jeli, azamattar kómek pen qoldaý úshin keletin qoǵamdyq qabyldaý ból­meleri, sarapshylar men bel­sen­di azamattyq ustanymy bar adam­dar­dy biriktiretin qoǵamdyq keńester.

– Osy qolda bar resýrstardyń bárin qazir alypsatarlyqtyń kez kelgen túrlerimen kúresýge baǵyttaý kerek. Partııa músheleri asa mańyzdy ónimder baǵasyn negizsiz kóterýge jol bermeı jáne adal kásipkerlerdiń múd­desin qorǵaı otyryp, taýardy jet­kizýshilerden dúken sóre­lerine deıingi barlyq jetkizý tizbegin qada­ǵalap otyrýǵa tıis, – dep atap ótti E.Qoshanov.

Keńes barysynda partııa Tóraǵasyna Amanat qazir jú­­­zege asyryp jatqan áleý­met­tik mańyzdy jobalarǵa qa­tys­ty jumystar týraly baıan­dal­dy. «Jer amanaty» jobasy aıa­synda azamattar úshin aýyl sharýashylyǵy jerleriniń qol­je­timdiligin arttyrý boıynsha ju­mystar júrgizilip jatyr. Onyń basty maqsaty – paıdalanylmaı jatqan, onyń ishinde zańsyz jeke menshikke ótken jerlerdi memleket menshigine qaıtarý jáne olardy aýyl tur­ǵyndaryna usyný. Partııa músheleriniń arqasynda 267 myń gektar jer memleket men­shigine qaıtaryldy. Jumys eli­mizdiń barlyq óńirinde jalǵasa beredi.

«Aýyl amanaty» jobasy aıasynda Úkimetpen birlesip aýyl turǵyndarynyń tabysyn arttyrý jáne aýyldyq okrýg ákimderin óndiristik daǵdylarǵa úıretý bo­ıynsha jumystar júrgizilip jatyr. Atap aıtqanda, jaqyn arada arnaıy marafon barysynda amanattyqtar 179 aýdandaǵy 394 eldi mekenge barýdy jos­parlap otyr. Bul 250 myńnan astam qazaqstandyqty «Aýyl ama­naty» jobasy týraly habar­dar etýge múmkindik beredi. Qa­zirgi ýaqytta joba boıynsha 2,3 myńnan astam aýyldyq okrýg ákimderi oqytyldy.

Iri bastaýysh partııa uıym­da­rynyń bazasynda búkil elimiz boıynsha 286 qoǵamdyq qa­byl­daý bólmesi ashyldy, oǵan 1 200-den astam ótinish kelip tústi. Turǵyndar kótergen má­selelerdi sheshý úshin júıeli ju­mys atqaryldy. Atap aıt­qanda, qazaq­standyqtardyń óti­nishterin qa­raý nátıjeleri boıynsha Batys Qazaqstan oblysynyń Uıaly aýy­lynda elektr jelileri úshin ja­ńa baǵanalar ornatyldy. Ba­tys Qazaqstan oblysynyń Jul­­dyz aýy­lyndaǵy mektepti sal­ǵan quryl­ysshylarǵa jala­qy bo­ıyn­sha qaryzdar tó­lendi. Ta­raz qalasyndaǵy qury­lys­shylardyń da osyǵan uqsas má­selesi sheshildi. Tek partııa músheleriniń aralasýy­nan keıin ǵana Aqmola obly­sy­nyń Kras­nyı ıar aýylyndaǵy jol­­dardy jóndeýge qarajat bó­lindi.

Partııa áleýmettik mańyzy bar azyq-túlik ónimderine baǵa monıtorıngi boıynsha 216 top qurdy. Bir aptaǵa jetpeıtin ýaqyt ishinde búkil elimiz boıyn­sha 1 045 saýda nysanynda 700-den astam reıd júrgizildi. Anyqtalǵan faktilerdiń ishinde eń mańyzdysy – belgili bir taýar­lardyń jetispeýshiligi, baǵa­synyń kórsetilmeýi, bel­gilengen shekti baǵadan asyp ketý. Árbir anyqtalǵan problema boıynsha jaǵdaıdy túzetý úshin jedel sharalar qabyldanady.

Keńes qorytyndysy boıyn­sha Amanat Tóraǵasy Er­lan Qoshanov partııanyń Or­talyq apparaty men óńirlik fılıal­darynyń aldyna jumysty kú­sheıtý boıynsha birqatar naqty mindet qoıdy.