DARYNDYLAR JEKE-DARA ShYQTY

Osy aıda bokstan elimizdiń eresekter jáne jastar qurama komandalary eki birdeı iri halyqaralyq týrnırlerge qatysty. 11-17 mamyr kúnderi eresekter arasynda Ýkraınanyń Herson qalasynda ótken Nıkolaı Man­ge­rany eske alýǵa arnalǵan týrnırde Qazaqstan ulttyq quramasy tórt al­tyn, bir kúmis jáne úsh qola júl­deni moıyndaryna taǵyp qaıt­ty. Bul básekede altyn medaldi Ilııas Súleımenov (48 kg.), Almasbek Álibekov (64 kg.), Almat Serimov (81 kg.) jáne 91 kılodan joǵary salmaqta Dosjan Ospanov ıelense, bir kúmis júldeni 60 kıloda kúsh synasqan Ǵanı Jaılaýov jeńip aldy. Sonymen birge, Habıbýlla Ismaıl-Ahýnov (51 kg.), Mirjan Raqymjanov (54 kg.) jáne Dýman Álimov (57 kg.) qola medalge qol jetkizdi. Osy týrnırde jasy orda buzar jasqa kelip qalsa da Semeı boks mektebiniń túlegi M.Raqymjanov­tyń jekpe-jekterdi joǵary deń­geıde ótkizip, jankúıerlerge jaq­sy qyrynan kóringenin atap ótý jón. Ol týrnır bastalysymen ózi­niń taktıkasyn utymdy paıdala­nyp, aqtyq synǵa deıingi qarsy­las­tarynyń bárin aıqyn basym­dyq­pen jeńdi. Sonymen birge, týrnırde altyn júldege ıe bolǵan boksshylarmen qatar, kúmis medal ıelengen jambyldyq Ǵ.Jaılaýov­tyń da sharshy alańda jaqsy óner kórsetkenin atap ótýge bolady. Endi Myrzaǵalı Aıtjanov jattyqtyratyn elimizdiń bas komandasy aldaǵy jarystarǵa qa­tysý úshin oqý-jattyǵý jıyn­da­ryn odan ári jalǵastyratyn bo­lady. Osy oraıda Qazaqstan boks federasııasynyń basshysy Tımýr Qulybaevtyń qazir ulttyq qura­manyń iri halyqaralyq týrnırler men jarystarǵa jaqsy daıyn­dyqpen barýlaryna zor kóńil bó­lip otyrǵanyn atap ótsek artyq bol­mas. Quramanyń bas bapkeriniń aıtýynsha, Boks federasııasynyń tizginin Tımýr Qulybaev ustaǵaly beri elimizdiń barlyq óńirlerinde sporttyń osy túrin damytýda jańa jobalar iske qosylyp, ulttyq jáne jastar quramasynyń daıyn­dyǵy úshin barlyq jaǵdaı jasalyp otyr. Taǵy bir atap ótetin nárse, 9-14 mamyr aralyǵynda Almatyda Ke­ńes Odaǵynyń Batyry, armııa ge­ne­raly, Halyq Qaharmany Sa­ǵa­dat Nurmaǵambetovtiń júldesi úshin ótken XV halyqaralyq týr­­nırde qazaq boksshylary 11 sal­maq­tyń bárinde júlde aldy. Budan basqa, Almatydaǵy aıqasqa qatysý úshin Qytaı, Qyrǵyzstan, Moń­ǵo­lııa, Tájikstan, Túrkimenstan, О́z­bekstan men Ýkraına quramalary jınalǵan básekede otandas­ta­rymyz 8 kúmis jáne 11 salmaqtyń bárinde qola medaldi ıelendi. Mun­da 91 kılodan joǵary salmaq­­ta sharshy alańǵa kóterilgen Rús­tem Irgebaevtyń da kúmis júldeni enshilegenin atap ótýge bolady.