2014 jylǵy 3 aqpan, Astana qalasy
Qazaqstan Respýblıkasy Memlekettik qyzmet isteri agenttiginiń oblystardaǵy, Astana jáne Almaty qalalaryndaǵy tártiptik keńesteriniń jumys Reglamentin bekitý týraly
Qazaqstan Respýblıkasy Prezıdentiniń 2005 jylǵy 30 maýsymdaǵy №1598 Jarlyǵymen bekitilgen Qazaqstan Respýblıkasy Memlekettik qyzmet isteri agenttiginiń oblystardaǵy, Astana jáne Almaty qalalaryndaǵy tártiptik keńesteri týraly erejesiniń 5-1-tarmaǵyna sáıkes, buıyramyn:
1. Qosa berilgen Qazaqstan Respýblıkasy Memlekettik qyzmet isteri agenttiginiń oblystardaǵy, Astana jáne Almaty qalalaryndaǵy tártiptik keńesteriniń jumys Reglamenti bekitilsin.
2. Qazaqstan Respýblıkasy Memlekettik qyzmet isteri agenttiginiń Inspeksııa jáne baqylaý bólimi (Q.A. Japaqov) osy buıryqty Qazaqstan Respýblıkasynyń zańnamasynda bekitilgen tártippen Qazaqstan Respýblıkasy Ádilet mınıstrliginde memlekettik tirkelýdi jáne keıinnen ony buqaralyq aqparat quraldarynda resmı jarııalaýdy qamtamasyz etsin.
3. Osy buıryq alǵash resmı jarııalanǵan kúninen keıin on kúntizbelik kún ótken soń qoldanysqa engiziledi.
Tóraǵa A. BAIMENOV.
Qazaqstan Respýblıkasy Memlekettik qyzmet isteri agenttigi Tóraǵasynyń
2014 jylǵy 3 aqpandaǵy №04-2-4/19 buıryǵymen bekitilgen
Qazaqstan Respýblıkasy Memlekettik qyzmet isteri agenttiginiń oblystardaǵy, Astana jáne Almaty qalalaryndaǵy tártiptik keńesteriniń Reglamenti
1. Jalpy erejeler
1. Osy Qazaqstan Respýblıkasy Memlekettik qyzmet isteri agenttiginiń Astana jáne Almaty qalalaryndaǵy, oblystardaǵy tártiptik keńesteriniń reglamenti (budan ári - Reglament) Qazaqstan Respýblıkasy Prezıdentiniń 2005 jylǵy 30 maýsymdaǵy № 1598 Jarlyǵymen bekitilgen Qazaqstan Respýblıkasy Memlekettik qyzmet isteri agenttiginiń Astana jáne Almaty qalalaryndaǵy, oblystardaǵy tártiptik keńesteri týraly erejeniń 5-1 tarmaǵyna (budan ári - Ereje) iske asyrý maqsatynda bekitildi.
Reglament Qazaqstan Respýblıkasy Memlekettik qyzmet isteri agenttiginiń Astana jáne Almaty qalalaryndaǵy, oblystardaǵy tártiptik keńesteriniń (buan ári – Tártiptik keńes) otyrysyn ótkizý jáne daıyndaý tártibin, onda máselelerdi engizý jáne qaraý, sondaı-aq daýys berý tártibi men basqa da uıymdastyrýshylyq jáne prosedýralyq máselelerdi belgileıdi.
2. Tártiptik keńestiń qyzmetiniń negizgi qurylymy Tártiptik keńestiń sheshimderi qabyldanytyn otyrysy bolyp tabylady.
3. Tártiptik keńestiń otyrysynda qaralatyn máseleler Erejemen belgilengen quzyretimen anyqtalady.
4. Tártiptik keńestiń jumysshy organy Hatshylyq bolyp tabylady, ol Tártiptik keńes qyzmetin aqparattyq-taldamalyq, uıymdyq-quqyqtyq jáne ózge de qamtamasyz etýdi júzege asyrady.
2. Tártiptik keńestiń otyrystaryn daıyndaý jáne ótkizý tártibi
5. Tártiptik keńestiń otyrystary qajettiligine qaraı, biraq keminde eki aıda bir ret ótkiziledi jáne Tártiptik keńes Tóraǵasymen (budan ári - Tóraǵa) shaqyrylady.
6. Otyrysty ótkizýdi uıymdastyrýdy baqylaý Tártiptik keńes Hatshylyǵynyń meńgerýshisine júkteledi.
7. Tóraǵa Tártiptik keńes otyrystarynyń kún tártibi men Tártiptik keńes músheleri nemese Hatshylyq qyzmetkerleri qatarynan árbir máseleler boıynsha baıandamashylardy aıqyndaıdy.
Kún tártibi men sheshimder jobalary qaralatyn máseleler boıynsha qorytyndysyz tártiptik keńes múshelerine otyrys ótkizilgenge deıin úsh kún buryn jiberiledi.
Kún tártibine, qaralatyn máseleler tizbesi, baıandamashylardyń aty-jóni, bolǵan kezde tegi, kúni men ýaqyty, sondaı-aq otyrysty ótkizý orny kiredi.
8. Tártiptik keńes otyrysyna engiziletin aqparattyq (analıtıkalyq) jáne basqa materıaldar aldyn ala hatshylyq meńgerýshisimen nemese ony almastyratyn adammen vızalanady.
9. Hatshylyqpen otyrysqa shaqyrylǵandardyń tizimi belgilenep, sondaı-aq olardy habarlandyrý jóninde sharalar qabyldanady.
Tóraǵanyń sheshimi boıynsha tártiptik keńestiń otyrysyna buqaralyq aqparat quraldary men qoǵamdyq birlestikterdiń ókilderi (úkimettik emes uıymdar) shaqyrylýy múmkin.
10. Tártiptik keńestiń otyrystarynda Tóraǵa tóraǵalyq etedi, Tóraǵa bolmaǵan jaǵdaıda onyń tapsyrmasy boıynsha otyrystarda tártiptik keńes músheleriniń bireýi tóraǵalyq etedi.
11. Tártiptik keńes otyrysy ashyq ótkiziledi. Qajet bolǵan jaǵdaıda, eger qaralatyn máseleler memlekettik qupııalalardy qozǵasa, Tóraǵanyń sheshimi boıynsha jáne Qazaqstan Respýblıkasy memlekettik qyzmet isteri agenttigimen (budan ári – Agenttik) kelisim boıynsha jabyq otyrystar ótkizilýi múmkin.
Jabyq otyrystardy ótkizý qupııalylyq rejım talaptaryn saqtaý arqyly júzege asyrylady.
12. Tártiptik keńestiń otyrystary, eger olarǵa tártiptik keńes músheleri jalpy sanynyń úshten ekisi qatysqan jaǵdaıda quqyqty bolyp sanalady.
13. Tártiptik keńestiń otyrysynda tártiptik is, eger tártiptik jaýaptylyqqa tartylatyn adamdar otyrys ótkizilgenge deıin keminde úsh kún buryn tıisinshe habarlandyrylsa, olardyń qatysýynsyz qaralýy múmkin.
14. Tártiptik keńestiń otyrysynda hattama júrgiziledi. Hattamada otyrysqa qatysqan Tártiptik keńestiń músheleri, basqa da shyqyrylǵan tulǵalar, qaralǵan máseleler, baıandamashylar men ózge de sóz sóıleýshiler, baıandamalardyń negizgi mazmuny (sóz sóıleýler, eskertýler), árbir qaralǵan máseleler boıynsha Tártiptik keńes músheleri daýys berýiniń nátıjeleri men qabyldanǵan sheshimderi kórsetiledi.
Hattama tártiptik is boıynsha is júrgizý tilinde resimdelip, Tóraǵamen, Tártiptik keńes múshelerimen jáne Tártiptik keńes otyrysynyń hatshysymen qol qoıylady.
15. Tártiptik keńes otyrysynyń hattamasy otyrys ótkizilgennen keıin úsh jumys kúni ishinde Tártiptik keńes hatshysymen resimdelip, Tártiptik keńes múshelerine qol qoıý úshin jiberiledi.
Otyrys hattamasynyń kóshirmesi tártiptik is materıaldaryna qosa tigiledi.
16. Tártiptik keńeste máselelerdi qaraý nátıjeleri Tártiptik keńes sheshimderi túrinde resimdeledi.
Sheshimder otyrysqa qatysýshy Tártiptik keńes músheleriniń jalpy sanynyń qarapaıym kópshilik daýysymen qabyldanady. Daýystar teń bolǵan jaǵdaıda tóraǵalyq etýshiniń daýysy sheshýshi bolyp tabylady. Tártiptik keńes músheleri daýys berý kezinde qalys qala almaıdy.
Tártiptik keńestiń otyrysynda qabyldanǵan sharalar tártiptik is boıynsha is júrgizý tilinde resimdelip, Tártiptik keńestiń tóraǵasymen jáne Hatshylyq meńgerýshisimen qol qoıylady.
Sheshimderde, onyń qabyldaýyna negiz bolǵan, Erejeniń normalaryna silteme jasalady.
17. Tártiptik keńes sheshimderiniń kóshirmeleleri men oǵan qosa berilgen materıaldar Tártiptik keńes músheleri men Erejeniń 6 tarmaǵynyń 1) tarmaqshasymen belgilengen tulǵalarǵa otyrys ótkizilgen kúnnen bastap bes jumys kúni ishinde jiberiledi.
18. Tártiptik isti toqtatý jaǵdaıynda Tártiptik keńes sheshimderiniń kóshirmeleri tártiptik isti qozǵaýǵa negiz bolǵan aqparatty joldaǵan memlekettik organdarǵa jiberiledi.
19. Tártiptik keńes otyrysy barysynda Tóraǵa nemese hatshylyq qyzmetkerleri Tártiptik keńes múshelerine qabyldanyp otyrǵan sheshimderdiń zańdylyq máselesi jóninde keńester beredi.
20. Otyrystyń hattamasy men sheshimine Qazaqstan Respýblıkasy Úkimetiniń 2011 jylǵy 21 jeltoqsandaǵy №1570 qaýlysymen bekitilgen Memlekettik jáne memlekettik emes uıymdarda qujattama jasaýdyń jáne qujattamany basqarýdyń úlgilik qaǵıdalarynyń 46 tarmaǵyna sáıkes bir kúntizbelik jyl sheginde jáne otyrystardy ótkizý kezektiligi tártibimen nómirler beriledi. Tártiptik keńes otyrystarynyń hattamalary men oǵan qosa berilgen qujattar Hatshylyqta saqtalyp, ýaqytsha saqtaý merzimderi ótkennen keıin muraǵatqa tapsyrylady.
Atalǵan qujattardy saqtaý merzimi Qazaqstan Respýblıkasy Úkimetiniń 2011 jylǵy 26 jeltoqsandaǵy №1605 qaýlysyna sáıkes anyqtalady.
3. Tártiptik isterdi qozǵaý jáne
Tártiptik keńes sheshimderin daıyndaý tártibi
21. Tártiptik ister sheshimderdi daıyndaý Tártiptik keńes hatshylyǵymen iske asyrylady.
22. Quqyq qorǵaý jáne basqa memlekettik organdardyń, Agenttiktiń habarlamalary, Agenttiktiń aýmaqtyq organdarynyń tekserý nátıjeleri, jeke jáne zańdy tulǵalardyń ótinishteri, Hatshylyq qyzmetkerleriniń qyzmettik jazbahattary túrindegi, tártiptik jaýaptylyqqa ákep soǵatyn, sybaılas jemqorlyqqa qarsy zańnamanyń normalary men qyzmet etıkasyn Erejeniń 3-tarmaǵynda kórsetilgen adamdarmen buzǵany týraly málimetter Tártiptik isti qozǵaýǵa negiz bolyp tabylady.
23. Qaralýy Tártiptik keńestiń quzyretine kirmeıtin quqyq qorǵaý nemese basqa memlekettik organdardan, jeke jáne zańdy tulǵalardan materıaldar men málimetter jiberilgen jaǵdaıda Tóraǵa úsh jumys kúninen aspaıtyn merzimde tulǵalardyń teris qylyq jasaǵany týraly málimetter men materıaldardy qaraý úshin ýákiletti memlekettik organǵa nemese quzyretine sáıkes tıisti laýazymdy adamǵa jiberedi jáne ol jóninde Tártiptik keńestiń kezekti otyrysynda habardar etedi.
24. Erejeniń 3-tarmaǵynda kórsetilgen adamdarmen sybaılas jemqorlyqqa qarsy zańnamanyń normalary men memlekettik qyzmetshilerdiń Ar-namys kodeksin buzǵany týraly quqyq qorǵaý nemese basqa memlekettik organdardan kelip túsken málimetter men materıaldar boıynsha sheshimderdi Tártiptik keńestiń otyrysynda qaraýsyz qabyldaýǵa jol berilmeıdi.
Erejeniń 3-tarmaǵynda kórsetilgen adamdarǵa jatpaıtyn qyzmetshilerge qatysty materıaldar túsken jaǵdaıda quqyq qorǵaý organdary men basqa memleketik organdarǵa materıaldar tártiptik isti qozǵaýsyz qaıtarylady.
25. Tártiptik is Tóraǵanyń sheshimi boıynsha qozǵalady jáne Agenttiktiń aýmaqtyq organ basshysynyń nemese ony almastyratyn adamnyń jeke buıryǵymen quqyq buzýshylyq jasaǵan árbir tulǵaǵa, materıaldar túsken sátten bastap úsh jumys kúni ishinde resimdeledi.
26. Tártiptik is Tártiptik keńes otyrysynda tártiptik is qozǵaý týraly buıryq shyǵarylǵan kúnnen bastap úsh apta ishinde qaralýǵa tıis.
Tártiptik is qyzmetshiniń ýaqytsha eńbekke jaramsyzdyǵy, onyń demalysta nemese issaparda bolý kezeńinde toqtatyla turady.
Tártiptik isti toqtatý jáne qaıtadan bastaý Tártiptik keńestiń sheshimi negizinde iske asyrylady.
27. Tártiptik isti Tártiptik keńestiń otyrysynda qaraǵanǵa deıin Tártiptik keńes Hatshylyǵymen aldyn-ala tekserý nemese qyzmettik tekserý júrgizilip, onyń barysynda iske qatysy bar mán-jaılar men málimetter zerdelenedi, tártiptik jaýaptylyqqa tartylatyn adamdardan jazbasha túsiniktemeler talap etiledi.
Tekserý «Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasy Zańynyń talaptaryna sáıkes, qyzmettik tekserý Qazaqstan Respýblıkasy Prezıdentiniń 1999 jylǵy 31 jeltoqsandaǵy № 321 Jarlyǵymen bekitilgen Qazaqstan Respýblıkasynyń memlekettik ákimshilik qyzmetshilerine tártiptik jaza qoldaný erejesinde belgilengen tártippen júrgiziledi.
28. Tártiptik is boıynsha tekserý nemese qyzmettik tekserý júrgizilgennen keıin Hatshylyq tártiptik is qozǵalǵan laýazymdy adam týraly, aqparat derekkózi, quqyq buzýshylyqtyń máni, quqyq buzýshylyq jasaý faktisin rastaıtyn nemese joqqa shyǵaratyn materıaldar týraly málimetter kórsetilgen Tártiptik keńes sheshimin daıyndaıdy.
Hatshylyq, qyzmettik tekserý nemese tekserý júrgizilgen tulǵaǵa, ony tártiptik jaýaptylyqqa tartýǵa baılanysty barlyq materıaldarmen mindetti túrde qol qoıý arqyly tanystyrýǵa tıis, oǵan qyzmettik tekserý rásimine óziniń qatysý quqyǵy beriledi.
Sheshimde qaralǵan másele boıynsha Tártiptik keńestiń usynystary kórsetilmeıdi.
29. Sheshimder otyrysqa deıin kem degende úsh kún buryn Tártiptik keńes múshelerine tanysý úshin joldanady.
4. Tártiptik keńes usynystarynyń oryndalýyn baqylaý
30. Erejeniń 3-tarmaǵynda kórsetilgen adamdardy tártiptik jaýapkershilikke tartý jóninde Tártiptik keńestiń usynysy, memlekettik organǵa nemese Erejeniń 6-tarmaǵynyń 1)-tarmaqshasynda kórsetilgen laýazymdy adamǵa kelip túsken kúnnen bastap on jumys kúni ishinde qaralady.
Usynysty qaraýdyń qorytyndysy jáne qabyldanǵan sharalar týraly Tártiptik keńeske usynys qaralǵan kúnnen bastap úsh jumys kúni ishinde habarlanady.
31. Hatshylyq ótken otyrysta qabyldanǵan sheshimderdiń oryndalýy jóninde Tártiptik keńesti habarlaıdy.
32. Tártiptik keńestiń usynysy negizsiz oryndalmaǵan jaǵdaıda Hatshylyq joǵary turǵan memlekettik organdarǵa nemese laýazymdy adamdarǵa tıisti adamdardyń jaýapkershiligin qaraý jóninde usynys engizý týraly sheshim qabyldaý úshin Tártiptik keńes otyrysyna aqparat daıyndaıdy.
33. Tártiptik keńes usynystarynyń oryndalýyn baqylaý Tártiptik keńestiń Tóraǵasyna júkteledi.
5. Qorytyndy erejeler
34. Memlekettik qupııalary men zańmen qorǵalatyn qupııalary barlardan basqa Tártiptik keńes qabyldaǵan sheshimdermen múddeli adamdarǵa tanysýǵa ruqsat berý Hatshylyqpen júzege asyrylady.
Buıryq Qazaqstan Respýblıkasynyń Ádilet mınıstrliginde 2014 jylǵy 10 aqpandaǵy Normatıvtik quqyqtyq kelisimderdi memlekettik tirkeýdiń tizilimine №9136 bolyp engizildi.