Ańyzǵa aınalǵan boksshy Maık Taıson Disney kompanııasyna tıesili Hulu strımıngtik servısin ózi týraly serıal túsirý kezinde onyń ómir tarıhyn urlady dep aıyptady, dep jazady Egemen.kz Breitbart basylymyna silteme jasap.
Maık Taıson Instagram paraqshasynda: «Hulu kompanııasyna aldanyp qalmańyz. Men olardyń ózim jaıly týyndysyn qoldamaımyn. Olar meniń ómirlik oqıǵamdy urlady. Men qarapaıym qara násildimin, kerek deseńiz olar meni aýksıonǵa qoıa alady», dep jazdy.
Aýyr salmaqtaǵy chempıon kompanııa mamandarynyń óz ómirbaıanynyń durystyǵyna kóz jetkizý úshin oǵan aqsha tólemegenine nemese onymen keńespegenine narazy.
Al Hulu prodıýserleri shoý Maık Taıson týraly moraldyq paıymdaýlar jasamaıtynyn jáne onyń ómirin shynaıy oqıǵa retinde kórsetetinin aıtyp, óz jobalaryn qorǵap baqty.
Aıta ketsek, Maık Taıson 2021 jyldyń aqpanynda Trevant Rodos jaıly serıal jarııalanǵannan beri Hulu kompanııasyna shúıligip keledi.