70 JASTAǴY MARAFONShY

Manarbek aqsaqal Baıanaýyl men oblys ortalyǵy arasyn jaıaý júgirip ótti Ishki ister organdarynda 30 jyl­ǵa jýyq qyzmet atqarǵan ardager, otstavkadaǵy podpolkovnık, “Nur Otan” partııasynyń múshesi Manar­bek Bajeneev qazir Pavlodar qala­syn­da turady.

Qarttyq jas sana­latyn ýaqytyna qaramastan áli de qyzmetten qoly bosaǵan emes. О́mir bo­ıy tynym tappaı úırengen aqsa­qal, kárilik keldi eken dep úıde tym-tyrys jatýdy jón kórmepti. Bul kún­deri oblys orta­lyǵyndaǵy “Qaýip­sizdik qyzmeti” dep atalatyn JShS-niń kúzet otrıadyn basqarady. Ishki is­ter organdarynda qyzmet atqaryp júr­gen jastarǵa úlken ómir jolynan ót­ken aǵa polıseıdiń qastarynda júr­geni úlgi-ónege. Olar­dyń elin, jerin, tynyshtyqty qor­­ǵaýǵa degen batyl­dyq­tary men pat­rıottyq sezimderi ara­larynda júrgen aǵa býyn ókil­deriniń ǵıbratynan úırenip, jol tabatyny da anyq. – Bıyl 21 mamyrda men 70 jasqa tolamyn. Elimizdiń órkendeýi úshin qyz­met jasap jatqan myna jastarǵa biz­diń qıyndyq pen qyzyqqa toly ót­ken ómir joldarymyz úlgi bolsyn, jas­tar jigerli, batyl, qaıratty bolyp ós­sin, atalaryna qarap sapqa tur­syn degen oımen osy marafondy uıym­dastyrdyq. Ekinshiden, bıyl Otan so­ǵy­syndaǵy Jeńiske 65 jyl tolyp otyr. Erlik joldary eshqashan umy­tylmaıdy. Bizdi jolǵa shyǵarǵan maq­sat osy erlikti dáriptep, eki aýyldyń arasyn jol etken bir jetilik marafon sharasyn arnaý, olarǵa bas ııý, – deıdi Manarbek aqsaqal. Sóıtip, jaıaý marafonshy top 14 mamyr kúni, kúndizgi on birler sha­masynda Baıanaýyl aýdany, Jańajol aýyly, Eskeldi tóbesinde ornalasqan Máshhúr Júsip kesenesinen shyǵyp qa­ra jolǵa tústi. Marafonshy top dege­nimiz, aqsaqalmen birge stýdentter men jasóspirim balalar da ilese birge júgirýge shyǵypty. Jol ońaı jol emes. Baıanaýyldyń birde eńiske, birde bıikke, birde jazyqqa shyǵatyn baǵy­tymen áýeli Maıqaıyń aýylyna, odan keıin Ekibastuz qalasyna jetý kerek. Kenshi­ler qalasynan Manarbek aqsa­qal bastaǵan marafonshylar toby Qa­rasor aýyly, Qalqaman kenti, Sheka­ra­shylar aýyly, Lenın atyndaǵy, ıaǵnı, burynǵy Qazanǵap bıdiń aýy­lynan ótip 21 mamyr kúni, Manarbek aqsaqaldyń týǵan kúni kúndizgi saǵat 11-de oblys ortalyǵyna jetti. Sol jer­de Dańq alańyna kelip, gúl sho­q­ta­ryn qoıdy, jurtshylyq mara­fon­shylardy qoshemettep, qurmetpen qarsy aldy. Farıda BYQAI, PAVLODAR. Sýretterdi túsirgen  V. BÝGAEV.