ATYRAÝ. 6 mamyr. Atyraý oblysynda Jeńis merekesine oraı soǵys ardagerleriniń árbirine 100 myń teńgeden aqshalaı syıaqy beriletin boldy. Bul týraly oblystyq ardagerler keńesiniń tóraǵasy Qatımolla Rızýanov habarlady.
Qazir Atyraý oblysynda Uly Otan soǵysyna qatysqan aǵa urpaq ókilderi arasyndaǵy eń jasy úlkeni – ǵasyrlyq ǵumyrdyń dámin tatqan Baıǵazy Baıetuly (sýrette) Inder aýdanynyń Esbol aýylynda turady. Qarııa Jeńis kúni – 9 mamyrda 100-ge tolǵaly tur.
«Oq pen ottyń ortasynan oralǵan soǵys ardagerleriniń qatary Atyraýda da azaıyp barady. Dál qazir munaıly óńirde 100 soǵys ardageri bar. Aımaq basshylyǵy Jeńis kúni qarsańynda soǵys ardagerleriniń árbirine 100 myń teńgeden qarjy bergeli otyr. Jergilikti bıýdjetten osy maqsatqa arany qarjy bólindi. Buǵan qosa, soǵys ardagerleriniń kommýnaldyq qyzmet tólemderi úshin bıýdjetten aı saıyn 10 myń teńge beriledi», - dedi ardagerler keńesiniń tóraǵasy.
Joldasbek Shópeǵul.
Derekkóz: egemen.kz.
Foto: egemen.kz.