Elordadaǵy fızıka-matematıka baǵytyndaǵy NIS oqýshysy Erasyl Qabylqasymov – International Economics Olympiad-tyń qola júldegeri atandy.
Elordadaǵy fızıka-matematıka baǵytyndaǵy zııatkerlik mektep oqýshysy Erasyl Qabylqasymov ekonomıkadan IEO-2022 halyqaralyq olımpıadacynyń qola medalin ıelendi.
International Economics Olympiad bıyl besinshi mereıtoılyq jarysyn Shanhaı qalasynda onlaın formatta uıymdastyrdy, oǵan álemniń 40-tan astam eliniń 200-den asa oqýshysy qatysty. Jas ekonomıster jeke týrda teorııalyq jáne qarjylyq saýattylyqtaryn sarapqa salsa, komandalyq týrda bıznes-keıstiń sheshimin tabýmen aınalysty.
– IEO-2022 joǵary deńgeıde ótti. Ekonomıka salasynyń tanymal tulǵalarynyń biri, Nobel syılyǵynyń ıegeri Erık Maskındi kórip, onyń keńesterin tyńdaǵanyma erekshe qýanyshtymyn. Bul men úshin qundy tájirıbe boldy, – deıdi astanalyq zııatker.
Erasyldyń jetistikteri qatarynda qarjy jáne ekonomıka boıynsha AHQO respýblıkalyq olımpıadasynyń 2021 jáne 2022 jyldardaǵy qos altyny men 2020 jylǵy kúmis medali bar.
Bedeldi bilim báıgesine Qazaqstan atynan NIS-tiń taǵy eki ókili – Oraldaǵy zııatkerlik mektepten Sáýle Kazetova men halyqaralyq bakalavrıat mektebiniń oqýshysy Quralaı Hamıdolla qatysty, dep habarlady «Nazarbaev zııatkerlik mektepteri» DBBU Baspasóz qyzmetiniń aǵa menedjeri Mahabbat Qudasheva.