ASTANA. 7 mamyr. AQSh-ta djekpoty 414 mln. dollar bolatyn jalpy ulttyq Mega Millions lotereıasynyń ekinshi jeńimpazy anyqtaldy. Bul týraly ITAR-TASS habarlady.
Mega Millions ókili málim etkendeı, 18 naýryzda oınalǵan oıyn tarıhyndaǵy úshinshi iri utysty Merılend shtatynda turatyn adam utyp alǵan. Biraq ol ózi jóninde naqty málimet berýden bas tartyp, aty-jónin de, jasyn da, jumys isteıtin jerin de aıtýdy jón kórmepti. Tek belgilisi, baqytty bılettiń egesi ony La-Plata qalasyndaǵy spırtti ishimdiktir magazıninen satyp alǵan. Osyǵan oraı atalmysh saýda núktesiniń ıesine 100 myń dollar kóleminde komıssııalyq ótem beretin bolypty.
Utys ıesi aqshasyn tutasymen alýǵa sheshim qabyldapty. Lotereıa sharty boıynsha ol salyqtaryn túgel tólep bolǵannan keıin qolyna týra 76,4 mln. dollar qarjy alǵan. Eger utýshy aqshasyn 30 jyldyń kóleminde bólip alsa, tóleıtin salyǵy áldeqaıda kóp bolady eken.
Merılendtegi utys ıesine oınalǵan djekpottyń tek jartysy ǵana tıip otyr. Onyń birinshi bóligin baqytty bıletti sýpermarkette satyp alǵan Florıda shtatynda turatyn jubaılar alǵan bolatyn.
Amerıkanyń lotereıa bıznesi tarıhynda rekordty mólsherdegi djekpot – 656 mln. dollar 2012 jylǵy naýryzda oınalypty. Oǵan úsh adam qol jetkizip, júldeni qyldaı bólisip alǵan.
Murat Aıtqoja.
Derekkóz: ITAR-TASS.
Foto: EPA/LARRY W. SMITH.