Ishki ister mınıstrligi baspasóz qyzmetiniń ókili Shuǵyla Turlybek qazaqstandyq qalamgerlerdiń detektıv janryndaǵy shyǵarmalary kitap bolyp basylyp shyǵatynyn habarlady, dep jazady Egemen.kz.
«О́tken jyly Ishki ister mınıstrligi el tarıhynda tuńǵysh ret «Sert» detektıv shyǵarmalarynyń respýblıkalyq baıqaýyn ótkizgen bolatyn. Ádebı baıqaýdyń basty maqsaty – halyqtyń quqyqtyq mádenıetin, sonymen qatar qazaqstandyq patrıotızmdi arttyrý, qoǵam nazaryn polısııa men basqa da quqyq qorǵaý organdary qyzmetkerleriniń qıyn jáne qaýipti jumysyna aýdarý», dedi Shuǵyla Turlybek brıfıng barysynda.
Onyń aıtýynsha, Ishki ister mınıstrligi Qazaqstan polısııasynyń 30 jyldyq mereıtoıy aıasynda respýblıkalyq «Sert» baıqaýyn jarııalady. Baıqaýǵa qatysatyn shyǵarmalar osy jyldyń 15 qyrkúıegine deıin qabyldanady.
«Ishki ister mınıstrligi baıqaýǵa qatysýǵa shaqyrady. Jeńimpazdar Qazaqstannyń Táýelsizdik kúnine oraı jarııalanady. Al baıqaý qorytyndysy boıynsha detektıv janryndaǵy qazirgi zamanǵy qazaqstandyq jazýshylardyń shyǵarmalary jınaqtalǵan kitap basylady», dedi IIM ókili.