14 tamyzda Armenııada saýda ortalyǵynyń pırotehnıka qoımasynda qatty jarylys boldy. О́rt shyǵyp, ǵımarattyń bir bóligi qulady. Qırandylar 8-9 myń sharshy metr aýmaqty alyp jatyr, dep habarlaıdy Egemen.kz.
Erevandaǵy «Sýrmalý» saýda otralyǵynda bolǵan jarylys saldarynan qaza tapqandar sany 11-ge jetti.
Izdestirý-qutqarý jumystary barysynda 11 adamnyń denesi tabyldy, olardyń altaýy anyqtaldy, beseýi áli anyqtalǵan joq.
Erevannyń medısınalyq mekemelerine 60 zardap shegýshi júgindi, olardyń 12-si em alyp jatsa, 48-i tıisti kómek alyp, úılerine qaıtaryldy.
Búginde 18 adam habar-osharsyz ketkeni anyqtaldy. Armenııa TJM baspasóz hatshysy Aıka Kostanıannyń aıtýynsha, olardyń arasynda bir Reseı azamaty men bir Iran azamaty bar.
15 tamyzda jergilikti jumystarǵa 185 qutqarýshy, 20 sý tasyǵysh, Erevan merııasynyń qosymsha 7 tehnıkasy jumyldyryldy.