Bıylǵy 6 aıda halyqtyń qolma-qol aqshasyz operasııalary 44,4 trln teńgege jetip, 48%-ǵa ósti. Bul týraly QR Ulttyq banki tóraǵasynyń orynbasary Aqyljan Baımaǵambetov aıtty, dep habarlaıdy Egemen.kz.
«Bıylǵy 6 aıda halyqtyń qolma-qol aqshasyz operasııalary 44,4 trln teńgege deıin nemese 48%-ke ósti. Onlaın tólemderdiń úlesi 83%-ten asty. Sıfrlyq qarjy ınfraqurylymyn qurý jáne sıfrlyq qarjylyq servıster ekojúıesin odan ári damytý maqsatynda bıylǵy shildede Open API jáne Open Banking-ti damytý jónindegi baıandama jarııalandy. Oǵan qosa, «Sıfrlyq teńge» jobasy boıynsha sharalar júrgizilip jatyr», dedi Aqyljan Baımaǵambetov Úkimet otyrysynda.
Shilde aıynyń qorytyndysy boıynsha, Biryńǵaı jınaqtaýshy zeınetaqy qorynyń zeınetaqy aktıvteri 13,7 trln teńge bolyp, jyl basynan beri 609 mlrd teńgege nemese 4,7%-ke ulǵaıdy.
«Investısııalyq kiris kólemi jyl basynan beri 519,5 mlrd teńge boldy. Zeınetaqy aktıvteriniń kiristiligi sońǵy 12 aıda 8,2% kórsetip, zeınetaqy aktıvteriniń jınaqtalǵan kirisi 5 jylda jınaqtalǵan ınflıasııadan 7,3 paıyzdyq tarmaqqa asyp tústi», dedi ol.