Indıana shtatynda mektep avtobýsyn tizgindegen júrgizýshiniń júregi toqtap qalǵan, dep habarlaıdy Egemen.kz NBC News saıtyna silteme jasap.
Oqýshylar otyrǵan kólik úıge soǵylǵan. Oqıǵa tańerteń Ýest Kolledj Korner qalasynda bolǵan.
Avtobýsta bolǵan 30 oqýshynyń eshqaısysy aýyr jaraqat almaǵan. Tek eki oqýshy medısınalyq kómek surap, tekserýden keıin úılerine jiberildi.
55 jastaǵy júrgizýshi Stıven Poskonyń júregi toqtap qalǵanyn birinshi bolyp kelgen qutqarýshylar anyqtaǵan. Apat saldarynan avtobýstyń aldyńǵy bóligi qatty zaqymdalyp, úıdiń irgetasyna syǵymdalyp qalǵan.
Alǵashqy kómek kórsetýshiler júrgizýshini kóliktiń deformasııalanǵan kabınasynan bosatyp, júrek-ókpe reanımasııasyn jasaǵan. Ázirge júrgizýshiniń densaýlyq jaǵdaıy belgisiz.