Prezıdent Esep komıtetiniń tóraǵasy Natalıa Godýnovany qabyldady, dep habarlaıdy Egemen.kz.
Qasym-Jomart Toqaevqa aýdıttiń joǵary organynyń bıylǵy birinshi jartyjyldyqtaǵy qyzmetiniń negizgi qorytyndylary, sondaı-aq Memleket basshysy bergen tapsyrmalardyń oryndalýy barysy jóninde baıandaldy.
Prezıdentke usynylǵan aqparatqa sáıkes eseptik kezeńde 1,3 trıllıon teńge kólemindegi bıýdjet qarajatyn qamtıtyn 77 nysanda 14 aýdıtorlyq is-shara ótkizildi.
Natalıa Godýnova Qasym-Jomart Toqaevqa Esep komıtetin Joǵary aýdıtorlyq palata retinde qaıta qurý boıynsha ázirlengen tásilder jóninde aqparat berdi.
Sondaı-aq, Memleket basshysy Esep komıtetiniń tóraǵasyna birqatar tapsyrma berdi.