Sınoptıkter 17 tamyzǵa arnalǵan aýa raıy boljamyn jarııalady, dep habarlaıdy Egemen.kz.
«Aýqymdy soltústik-batys antısıklony áserinen Qazaqstannyń basym bóliginde jaýyn-shashynsyz aýa raıy saqtalady, sonymen qatar temperatýralyq fon birtindep tómendeı bastaıdy. Frontaldy bólikterge baılanysty respýblıkamyzdyń soltústiginde, shyǵysynda, taýly aýdandardyń ońtústik-shyǵysynda jańbyr jaýyp, naızaǵaı bolady. Respýblıka boıynsha keı jerlerde jel kúsheıedi», delingen «Qazgıdromet» RMK habarlamasynda.
Kúndiz Batys Qazaqstan, Mańǵystaý oblystarynyń ońtústiginde, Atyraý oblysynyń shyǵysynda, Aqtóbe oblysynyń batysynda óte qatty ystyq bolady.
Qyzylorda oblysy, Túrkistan oblysynyń ońtústiginde, shyǵysynda, Atyraý, Aqtóbe, Almaty oblystarynyń shyǵysynda, Batys Qazaqstan, Mańǵystaý, Jetisý oblystarynyń ońtústiginde, Jambyl oblysynyń batysynda, ońtústiginde, Abaı oblysynyń Beskaraǵaı aýdanynda tótenshe órt qaýpi saqtalady.
Tek soltústik aımaqtarda jańbyr jaýýy múmkin.