ASTANA. 8 mamyr. Kıev Halyqaralyq valıýta qory kredıtiniń birinshi transhyn aldy. Bul týraly Ýkraına Ulttyq bankiniń baspasóz qyzmetiniń deregine silteme jasaǵan RIA «Novostı» habarlady.
«Iá, biz qarjy alǵanymyzdy moıyndaımyz», - dedi ondaǵylar. Biraq alynǵan qarjynyń somasyn kórsetýden bas tartty. ÝNIAN agenttiginiń málimeti boıynsha, keshe $3,19 mıllıard kólemindegi qarjy kelip túsken. Al ekinshi jáne úshinshi transhtardyń kólemderi ınspeksııanyń qorytyndysy boıynsha beriledi. Ol árbir eki aı saıyn bir ret júrgizilip turady. Sonymen birge Ýkraına Halyqaralyq valıýta qoryna toqsan saıyn esep berip turmaıdy.
Eske sala keteıik, Kıev atalmysh qormen naýryz aıynyń sońyna deıin kredıt bólý jóninde kelisim jasasqan bolatyn. О́tken aptada respýblıka Qarjy mınıstrliginiń basshysy Aleksandr Shlapak Kıevtiń $16,8 mıllıard shamasynda aqsha alýǵa nıetti bolyp otyrǵanyn jarııalaǵan edi.
Qordaǵylar bólingen qarjynyń «makroekonomıkalyq turaqtylyqty qalpyna keltirýge, ekonomıkany basqarýdy nyǵaıtýǵa, sondaı-aq jurttyń meılinshe nashar turatyn bóligin qorǵaı otyryp, salaýatty, myǵym ekonomıkalyq ósimdi qamtamasyz etýge jumsalatynyn» aıtty.
Sáken Maılybaı.
Derekkóz: RIA «Novostı».
Foto: Robert Harding/World Imagery/globallookpress.