Qoldaý dep osyny aıt: Jas kásipkerler 1,5 mln teńgeniń grantyna ıe boldy

Kenshiler astanasynda tuń­ǵysh ret uıymdastyrylǵan bul kon­kýrsqa jalpy sany 110 ótinim túsken eken. Quramyna mem­le­ket­tik organdardyń, bıznes-qoǵamdastyqtyń ókil­deri, depýtattar men qoǵam belsendileri engen komıssııa júzdiń ishindegi júırikterdi anyqtady.

Qala ákiminiń grantyna la­ıyq­ty bolǵan jas kásipkerdiń biri – Vıktorııa Pak. Onyń qurǵan shaǵyn kásiporny AVISHU markasymen kıim tigedi. Mysaly, bıyl jaz maýsymynda Vık­to­rııanyń tigin sehy oblys boıyn­sha «Jasyl el» jastar eńbek jasaqtarynyń jaýyn­ger­lerin tú­geldeı biryńǵaı formamen kıindirdi. Endi jas kásipker jańa jelini iske qosyp, sporttyq kıim­der tigip shyǵarmaqshy.

Organıkalyq qaldyqtardan eń qundy tyńaıtqysh – bıogýmýs alý úshin modeldik ýchas­ke qurǵysy keletin Araılym Serik­baıǵa da qala ákiminiń granty aýadaı qajet bolatyn. О́z jo­ba­syn vermıkýltýramen baı­lanystyratyn jas bıolog ári kásipker Araılym aldaǵy ýaqytta nıet bildirgender úshin vermıkýltýra boıynsha kýrs­tar men semınarlar uıym­das­tyrǵysy keletinin aıtady.

– Bul tehnologııany saıajaı­larda, baqshalarda, mektep alań­da­rynda jáne basqa da jerlerde qoldanýǵa bolady. Grant qar­jysyna qajetti jabdyqtar satyp alamyn, qarajattyń bir bóligi polıgrafııalyq ónim­der­di shyǵarýǵa jumsalady, – deıdi bolashaqtaǵy bıologııa ǵylym­da­ry­nyń doktory.

Jalpy, qala ákiminiń grantyn alǵandardyń arasynda qarajatty fıtnes-klýb, tandyr, ulttyq óner mektebin, ekin­shi sıfrlyq teh­nologııalar ortaly­ǵyn ashýǵa, podologııalyq orta­lyq­ty keńeı­tý­ge, geo­­de­zııa­lyq qyzmet­ter­ge jáne basqa da jo­ba­larǵa salýǵa nıetti jas ká­sip­kerler boldy.

Qaraǵandy qalasynyń ákimi Ermaǵanbet Bólekpaev jas kásip­ker­lerge bólingen grant­tar­dyń shaǵyn bıznestiń sharýasyn ór­ken­­­detýge sep bolatynyna nyq se­nimdi.

– Kásibimdi dóńgeletip, shaǵyn bıznestiń damýyna úles qossam degen maqsatker jastardyń qul­shy­nysy qýantady. Biz aldaǵy ýaqytta da osyndaı bastamashyl, eńbekqor jáne isker jastarǵa barynsha qoldaý kórsete beretin bolamyz, – deıdi qala basshysy.

Jas kásipkerlerdi qolty­ǵy­nan demep, qamqorlyqqa alý jalpy oblys boıynsha keńinen etek alǵan. Mysaly, ákimderdiń granttary qalalar men aýdandarda bó­­lin­gen. Al aldaǵy qyrkúıek aıyn­­da oblys áki­miniń grantyna óti­nimder qa­byldana bastaıdy. Bıyl bul granttardyń somasy eki esege artyp, árqaısysynyń mólsheri 2 mln teńgege jetken. Sátin salsa, atalǵan qarajatty synaqtan súrinbeı ótken 100 jas kásipker ıemdenetin bolady.

QARAǴANDY