Júldegerlerdiń júzi jarqyn

Endi, mine, arada birshama ýaqyt ótken soń, qoladan medal taǵyn­ǵan tórt sportshy – Aıan Ábdirash, Nurdáýlet Jaqyp, Aıjomol Ábdi­katova, Vıktor Frýndındi jáne olar­­­dyń jattyqtyrýshylaryn oblys ákimi Jeńis Qasymbek qabyldap, syı-qurmet kórsetti.

Emen-jarqyn áńgime jaǵdaıynda ótken kezdesý barysynda komanda kapıtany Aıan Ábdirash óziniń sporttyq ómirinen syr shertti. Ol sporttyń bul túrimen toǵyz jasynan beri shuǵyl­danǵan eken.

– Bul meniń óner kórsetken úshinshi Sýrdlımpıadam boldy. Al­ǵashqy qa­tysqan Sýrdlımpııa oıyndarynda besinshi nátıje kórsettim. Bolgarııa­da ótken dodada men 18 jasta boldym. Al 2017 jyly Túrkııada ótken Sýrdlımpıadada chempıon atan­dym, – dedi Aıan Ábdirash.

Sonymen qatar kapıtan sport seksııasyna ózin alyp kelgen anasyna, odan keıin osyndaı dárejege jetkizgen jattyqtyrýshylaryna dán rıza ekenin aıtty. Jattyqtyrýshy demekshi, sportshylardy bıik beleske shyǵarǵan tálimgerler – Qazaqstan­nyń eńbek sińirgen jattyqtyrýshy­lary Rýslan Ishanov pen Habdýlla Tólegenov te oblys basshysy tarapy­nan syı-qurmetke bólendi.

Kezdesý barysynda sýrdlım­pıa­dalyq sport túrlerin damytýǵa kedergi bolyp otyrǵan kemshilikter jaıy da nazardan tys qalmady. Máselen, sportshylardyń qar­qyn­dy jattyǵýlarǵa arnalǵan jeke alań­dary joq ekenin jetkizdi jat­tyq­tyrýshylar. Máselen, qazirgi ýaqytta sportshylar ITF taekvondo mektebinde jattyǵady eken. Al bul jerdegi kilem tósenishi jańartýdy qajet etetin kórinedi. Sodan keıin baǵalaýdyń jańa elektrondy júıe­si de qajet ekeni baıandaldy. О́z kezeginde oblys basshysy bul máse­le ataýlynyń sheshim tabýyna kómek­tesetinin aıtyp, ýáde berdi.

Sýrdlımpııa oıyndarynda, ıaǵnı qulaǵy múkis jandar arasyndaǵy dúbirli dodada júldeger atanǵan sańlaq sportshylarǵa 1,5 mln teńge mólsherinde birjolǵy tólem berildi. Al oblystyq dene shynyqtyrý jáne sport basqarmasynyń basshysy Temirhan Abylaev ár taekvondoshyǵa aı saıyn 800 myń teńge kóleminde stıpendııa tólenetinin málim etti.

QARAǴANDY