Seriktestik ózara senim arqyly nyǵaıady

Qazaqstan Prezıdenti Nursultan Nazarbaev AQSh Memlekettik hatshysynyń orynbasary Ýılıam Bıornspen kezdesti, dep habarlady Prezıdenttiń baspasóz qyzmeti. Kezdesý barysynda ekijaqty qarym-qatynastardyń, sonyń ishinde saýda-ekonomıkalyq já­ne ınvestısııa salasyndaǵy baı­la­nystardyń negizgi baǵyt­tary qarastyryldy. Budan bólek, Qazaqstannyń aldaǵy Dúnıe­júzilik saýda uıymyna kirýine qa­tysty negizgi máseleler talqy­landy. Taraptar Ýkraına men Aýǵanstandaǵy jaǵdaıǵa qosa, halyqaralyq kún tártibiniń ózekti máseleleri jóninde pikir almasty. Memleket basshysy Qa­zaq­stannyń Qurama Shtattarmen eki­jaqty qarym-qatynasty belsendi damytýǵa ázir ekenin aıtty. – Taıaýda men Gaagada AQSh Pre­zıdentimen kezdestim. Biz elderimiz arasyndaǵy qarym-qatynasty damytý máselelerin, sondaı-aq, álemde búgingi tańda qalyptasyp otyrǵan ahýaldy egjeı-tegjeıli talqyladyq. Oǵan qosa, birlesken málimdeme qabyldadyq. Ekijaqty yntymaqtastyqty joǵary deń­geıde budan ári de jalǵastyrý qajet, – dedi Nursultan Nazarbaev. Ý.Bıorns Memleket basshysyna AQSh Prezıdenti Barak Obamanyń jyly lebizin jetkizip, AQSh-tyń Qazaqstanmen strategııalyq se­rik­testikke degen uzaqmerzimdi aınymas ustanymyn atap ótti.