Bul nagrada arada 70 jyl ýaqyt ótkende maıdangerdiń uly Baqytbek Muqashulynyń qolyna tabys etildi.
Muqash Satabaev soǵysqa 41-diń kúzinde Aqsýdyń Qurkól aýylynan attanypty. Soǵysta aýyr jaraqat alyp elge oralady. Oblystaǵy Lebıaji, Aqsý aýdandarynyń órt sóndirý bólimshesinde eńbek etip, 1974 jyly qaıtys bolady. Keıin, soǵys aıaqtalǵan soń, 1947 jyly Muqash Satabaevqa Smolensk qalasy mańyndaǵy shaıqasta kórsetken batyldyǵyna oraı «Erligi úshin» medali beriledi. Bul resmı qujat osy ýaqytqa deıin Reseı Qorǵanys mınıstrliginiń ortalyq muraǵatynda saqtalyp kelipti.
Endi, mine, sol medal maıdangerdiń ulynyń qolyna tıdi. Oblys ortalyǵyndaǵy «Dostyq» úıinde Reseıdiń О́skemendegi bas konsýly Sergeı Annenkov nagradany Baqytbek Muqashulyna saltanatty túrde tabys etti.
– Marqum ákemizdiń medal alǵanyn 2012 jyly ǵana bildik. Oblystaǵy qorǵanys isteri jónindegi departament arqyly Reseıdiń Qorǵanys mınıstrligimen baılanys jasap, medaldi elge aldyrýǵa áreket jasadyq. Bul – bizdiń áýlet úshin abyroı. Marapatty ákemiz ózi bilmeı ketse de, erligi sońynda qalǵan urpaǵyna jetti, – deıdi Baqytbek Muqashuly.
Farıda BYQAI,
«Egemen Qazaqstan».
PAVLODAR.