Áleýmettik mańyzy bar jobalardy iske asyrýǵa baılanysty Úkimettik emes uıymdardyń memlekettik áleýmettik tapsyrys sheńberinde «Adam jáne qoǵam» qoǵamdyq birlestigi Almaty qalasynda tegin zań keńesin ashty. Ortalyqta tájirıbeli zańgerler qala turǵyndaryn tolǵandyrǵan suraqtarǵa jaýap beretin bolady.
Zańger mamandar «jedel jeli» aıasynda barlyq aýdanda jyljymaly zań keńesi qyzmetin iske asyra otyryp, aı saıyn keminde 2 ret turǵyndarǵa saýda oryndarynda, emhanalarda, halyqqa qyzmet kórsetý ortalyqtary jáne de turǵyndar kóp baratyn aýmaqtarda keńes berýdi qolǵa alyp otyr.
Azamattardyń qujattaryn daıyndaýǵa ádistemelik kómek kórsetý jáne sottarda halyqtyń áleýmettik osal toptarynyń isin júrgizý zańgerler jumysynyń basty bóligi. Kásibı mamandar ortalyqqa kelýshilerge zań máseleleri boıynsha aqparattyq-konsýltasııalyq qoldaý kórsetip, telefon, elektrondy poshta jáne «Onlaın keńesshi» ınteraktıvti modýliniń kómegimen ortalyq saıt arqyly memlekettik jáne orys tilderinde keńes beredi.
«Adam jáne qoǵam» úkimettik emes uıym ókili, tarıh ǵylymdarynyń doktory Janat Smanqulova, zań ǵylymdarynyń magıstrleri Aıbol Qojataev, Danııar Tarıhov, Sultan Nurǵalıev, taǵy da basqa zańgerler ortalyqtyń ashylý rásiminde kóptegen máselege oraı saraptama jasady. Turǵyndardy tolǵandyryp, sheshimi tabylmaı júrgen kez kelgen saýaldyń nátıjemen aıaqtalatyndyǵyna senim bildirdi. Osy kezdesý aıasynda zańgerlerge birqatar suraq qoıylyp, onyń sheshý joldaryna qatysty baǵyt-baǵdar berildi.
ALMATY