Osy jylǵy 1 tamyzdaǵy jaǵdaı boıynsha Memlekettik eńbek ınspektorlary respýblıkanyń 568 kásipornynda 14,2 myń jumyskerdiń aldynda 3 mlrd 223,9 mln teńgeden astam somaǵa jalaqy boıynsha bereshekti anyqtady.
Eńbek jáne halyqty áleýmettik qorǵaý mınıstrligi baspasóz qyzmetiniń málimetinshe, osy kásiporyndardyń basshylaryna oryndalýy mindetti 505 nusqama berilip, 85,5 mln teńgeden astam somaǵa aıyppul salyndy.
Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 11,9 myńnan astam jumyskerdiń quqyǵy qorǵaldy. Olarǵa 2 mlrd 850 mln teńge tólendi.