Birlesken oqý-jattyǵý neni kózdeıdi?

Oqý-jattyǵý alańynda qu­pııa qoıma jasaqtalǵan. Onda «Sol­tústik Koreıa zymy­ran­da­ry­nyń jerden aspanǵa qaı ýaqyt­ta kóteriletinin anyqtaýǵa múmkindik bar», dedi AQSh ja­ǵyn­­­daǵy operasııalyq orta­lyq­­­tyń basshysy, polkovnık Entonı Kýchınskı VVS-ge bergen suhbatynda.

AQSh Áskerı-áýe kúsh­te­­ri­niń Osan bazasyndaǵy bul ope­ra­sııalyq ortalyq eki armııa úı­le­simdi jumys isteıtin álemdegi jalǵyz oryn ekenin atap ótken jón. Osy aptada eki mem­leket armııasy sońǵy tórt jylda alǵash ret Soltústik Ko­reıa­nyń shabýylyna qarsy dala jattyǵýlaryn ótkizýdi bastady. Jyldar boıy ótkizilgen dástúrli is-shara 2018 jyly AQSh pen Ońtústik Koreıa Sol­tús­tikti ıadrolyq qarýdan bas tar­týǵa kóndirýge tyrysqan ýa­qyt­ta toqtatylǵan edi. Biraq barǵan sa­ıyn Soltústik Koreıamen jaý­­lasýǵa ıtermelegen qarym-qa­ty­nastan soń eki el bıligi jat­ty­ǵ­ýlardy qaıta bastaýdyń ýa­qyty keldi dep sheshti. О́ıt­ke­ni Soltústik Koreıa bıyl zy­my­ran sanyn arttyryp, qarý-jaraǵyn jetildirilip keledi. Áskerı sarapshylar «zymyrandar joldaǵy kedergilerdiń barlyǵyn jaıpap, nysanaǵa dál tııý qabiletine ıe», deıdi.

Sonymen birge, barlaý qyz­me­ti Soltústik Koreıa jetin­shi ıadrolyq synaǵyn ótkizýge da­ıyn ekenin aıtady. Buǵan qosa Soltústik Koreıa basshysy Kım Chen Yn óziniń ıadrolyq q­a­rýyn Ońtústikke qarsy qol­da­nýǵa ázir ekendigin aıtyp, eskertý ja­sa­ǵa­ny málim. Osynyń bar­ly­ǵyn eskere otyryp, Seýlge qaýip tónip turǵan shaqta Ulchi Freedom Shield dep atalatyn toǵyz kún­dik jat­ty­ǵýǵa ushaqtar, áske­rı ke­meler men tankter jumyl­dy­­rylyp jatyr. Resmı ha­bar­­­lamalar jarııalaǵandaı ás­ke­rıler Soltústik Koreıanyń shabýylyna qalaı toıtarys berý kerektigin ǵana emes, sonymen birge jekelegen «jaý» áskerlerine qalaı qarsy soqqy berýdi de úırenýde.

Biraq bul jattyǵýlar Sol­tústik Koreıanyń ashýyn týǵy­zý­y múmkin degen qaýip bar. «Phenıan kezekti zymyranda­ryn synap, kópten kútken ıadrolyq synaǵyn ótkizip, tipti kishigirim qaq­tyǵysty bastaý arqyly jaýap qaıtarýy yqtımal», deıdi sarapshylar. Al Ońtústik Koreıa Qorǵanys mınıstriniń orynbasary Shın Beomchýl Bı-bı-sıge bergen suhbatynda: «Olar bul jattyǵýlardyń qorǵanys maqsatynda ótetinin biledi, alaıda bilmegendik tanytyp «paıdalanýy» múmkin», dedi. Alaıda Osan áýe kúshteri bazasyndaǵy áýe kúshteriniń qolbasshysy, general-leıtenant Skott Pleýs bul pikirdi úzildi-kesildi joqqa shyǵarady. Ol «Soltústikkoreıalyqtardyń áreketine biz de dál solaı dep jaýap bere alamyz, oǵan tolyq múmkindigimiz bar», dep jaýap berdi.

Seýl de eger Phenıan ıadrolyq qarýdy synasa, oǵan sózsiz jaýap qaıtarylatynyn eskertti. Vıse-mınıstr Shın Ońtústik Koreıaǵa amerıkalyq bombalaýshy ushaqtar men basqa da qarý-jaraq jiberiletinin, al Seýldiń Vashıngtonmen birge qosymsha sanksııalar salatynyn rastady. Ońtústik Koreıanyń ıadrolyq qarýy joq, alaıda Amerıka Qurama Shtattary qajet bolǵan jaǵ­­daıda Seýldi qorǵaý úshin ózi­niń ıadrolyq qarýyn paıdalanady degen kelisim baryn jetkizdi Shın.

Degenmen Ońtústik Koreıa bıligi Soltústik Koreıanyń shabýyl jasamasyna úmitpen qaraıdy, biraq halyq buǵan barǵan sa­ıyn narazylyq tanytýda. Bıyl júrgizilgen saýaldama halyqtyń 71 paıyzy eldiń óziniń ıadrolyq qarýyn jasaýyn qoldaıtynyn kórsetken, alaıda Ońtústik Koreıa prezıdenti muny josparlamaıtynyn aıtady. Ol AQSh-qa senetin syńaıly. General-leıtenant Pleıs te eldi «jaýǵa» bermeıtinin aıtyp, sendirip baǵýda. «Koreı túbegin kún saıyn 28 500 AQSh áskeri kúzetedi, halyq qorqynysh sezimin seıiltip, bizge senýleri qajet», dep málimdedi ol.

Biraq barǵan saıyn AQSh pen Ońtústik Koreıa «kúshti» qar­sy­las­qa tap bolǵanyn, olarǵa qar­sy áskerı daıyndyq júrgizýden basqa amaly joq ekenin moıyndaıdy.