Byltyr elimizdiń quramasy álemniń 100-den astam eliniń ókilderimen qatar matematıka, fızıka, geografııa, hımııa, bıologııa, lıngvıstıka jáne ınformatıka (JBMO, IMO, IPhO, IGeO, IChO, IBO, ILO, IOI) boıynsha 8 bedeldi halyqaralyq olımpıadalarǵa qatysyp, 33 medal jeńip alǵan.
«Almaty daryny» daryndy balalar men daryndy jastardy anyqtaý jáne qoldaý ortalyǵy dırektorynyń orynbasary Gúlnur Kárimǵajy О́ńirlik kommýnıkasııalar brıfınginde daryndy balalardy qoldaý men áleýmettendirýdiń mańyzdylyǵyn atap ótti. Gúlnur Kárimǵajynyń aıtýynsha, 20 jyldan astam qalalyq komanda halyqaralyq olımpıadalardyń qorytyndysy boıynsha úzdikter sanatynda keledi. Respýblıka qurama komandasyndaǵy almatylyq 18 oqýshynyń 11-i 5 kúmis, 6 qola medal ıegeri atanǵan.
Búginde Memleket basshysynyń tapsyrmasy boıynsha daryndy balalardy qoldaý maqsatynda alǵash ret halyqaralyq zııatkerlik saıystardyń jeńimpazdaryna aqshalaı syılyqtar men qazaqstandyq joǵary oqý oryndarynda bilim alýǵa granttar beriletini belgili. Osy oraıda altyn medal alǵan oqýshyǵa 1,5 myń AEK, kúmis medalǵa 1 myń AEK, qola medalǵa 500 AEK kóleminde aqshalaı syılyq beriletin bolsa, oqýshylaryn jarysqa daıyndaǵan ustazdarǵa da birjolǵy syıaqy buıyrady. Gúlnur Kárimǵajynyń aıtýynsha, qalada daryndy balalardy qoldaýdyń baı tájirıbesi jınaqtalǵan. Eger ótken jylǵa deıin 56 olımpıada men baıqaý ótken bolsa, bıylǵysynyń sany – 175. Osy oraıda balalardyń jeńimpaz atanýy úshin oqý-jattyǵý sharalary turaqty ótkizilip turady. Aldaǵy ýaqytta qalalyq oqýshylardy shetelderge de shyǵarý josparda bar.
Matematıkadan halyqaralyq olımpıadanyń (IMO) jetekshisi Vladımır Jýk olımpıadalardyń tárbıelik máni zor ekenin aıtady. «Matematıkalyq olımpıadalardyń tarıhy áriden qarastyratyn bolsaq, birinshi olımpıada HIH ǵasyrdyń aıaǵynda Avstro-Vengrııada ótkeni belgili. Osy oraıda V.Jýk halyqaralyq matematıkalyq olımpıadalardyń 60 jyldan bergi aralyqta ótip kele jatqanyn alǵa tarta kelip, «Osydan 20 jyl buryn almatylyq oqýshylar nólge jaqyn upaı jınasa, qazir jeńimpazdar qatarynan tabylýda», dep atap ótti. Sonymen birge olımpıada qatysýshylary elimizdiń, sondaı-aq shetelderdiń bedeldi joǵary oqý oryndaryna bilim alýda.
Halyqaralyq matematıka olımpıadasynyń (IMO) qola júldegeri Iýrıı Ten óz biliminiń nátıjesinde erte jastan Amerıkadaǵy ýnıversıtette oqýǵa múmkindik alǵan. Bolashaq ınjener basqa elderdiń oqýshylarymen básekelesýdiń óte qyzyqty, al olımpıadaǵa qatysýdyń úlken jaýapkershilik ekenin alǵa tartsa, bıologııa páni boıynsha halyqaralyq olımpıadanyń qola júldegeri Baqdáýlet Ernazarov jattyqtyrýshylary men ustazdaryna alǵys bildirdi. Bıologııany 7-shi synyptan bastap tereń zerdeleı bastaǵan B.Ernazarov bul baǵyttaǵy ǵylymnyń ereksheligin atap ótti. Búginde ol jańa bıikterdi baǵyndyrýǵa daıyndyq ústinde.
ALMATY