Qazaqstan men Italııa óńirleriniń arasyndaǵy yntymaqtastyqty nyǵaıtý maqsatynda Qazaqstannyń Italııadaǵy elshisi Andrıan Elemesov Kampanııa óńirinde bolyp qaıtty, dep habarlady QR SIM-iniń baspasóz qyzmeti.
Kezdesýlerde Astanada EKSPO-2017 kórmesin ótkizýdiń daıyndyq kezeńine erekshe nazar aýdaryldy. Qazaqstan elshisi Kampanııa kásipkerler qoǵamyn josparlanǵan mańyzdy halyqaralyq sharaǵa belsendi qatysýǵa shaqyrdy. Kelissózder barysynda Astanadaǵy EKSPO-2017 Halyqaralyq kórmesin kópshilikke taratý maqsatymen Jer sharyn aralap júrgen qazaqstandyq ataqty jıhankez Sapar Ysqaqovtyń Napolıge saparyn uıymdastyrý sharalary talqylandy.
Elshilik delegasııasynyń sapar baǵdarlamasynyń negizi Napolıdegi konferensııa barysynda BUU qoldaýymen ázirlengen Álemdik daǵdarysqa qarsy jospar jobasyn talqylaý bolyp tabyldy. Shamamen 50-ge jýyq shaqyrylǵan qonaqtardyń qatysýymen ótken is-shara Napolıdiń Saýda-ónerkásip palatasy (SО́P) jáne «Eýrosportello» ınvestısııalyq agenttigimen birlesip uıymdastyryldy.
Sapar barysynda Salerno SО́P pen halyqaralyq «Intertreıd» kompanııasynyń qoldaýymen «Qazaqstan: ekonomıkalyq damýdyń jańa kózi» atty óńirlik bıznes-forým ótti. Is-sharaǵa qalanyń negizgi salalarynda jumys isteıtin ónerkásipterdiń basshylary qatysty. Shara nátıjesinde Salerno kásipkerleri qazaqstandyq áriptestermen yntymaqtastyqty damytý jáne birlesken ónerkásipter ashý maqsatynda Qazaqstannyń óńirlerine sapar shegýge qyzyǵýshylyqtaryn tanytty.
Sonymen qatar, A.Elemesov sapary barysynda Salerno qalasynyń portyna bardy. Port prezıdenti Andrea Annýnsıatomen kelissózder kezinde ekijaqty qatynastardyń ózekti máseleleri talqylandy. Elshi ıtalııalyq seriktesterdi Aqtaý teńiz portynyń ákimshiligimen kópjaqty qatynastardy damytýǵa shaqyrdy. Aıta ketetin jaıt, Salerno Jerorta teńiziniń kommersııalyq paromdy tasymaly belsendi damyp kele jatqan portynyń biri bolyp tabylady.