Germanııanyń Rýpoldıng qalasynda bıatlonnan jazǵy álem chempıonatynyń shymyldyǵy túrildi.
28 tamyzǵa deıin sozylatyn básekeler barysynda Qazaqstannyń týy astynda 16 sportshy óner kórsetedi: Erler – Aleksandr Mýhın, Áset Dúısenov, Sergeı Sırık, Danıl Beleskıı, Vladıslav Kıreev, Kırıll Baýer, Nıkıta Akımov, Vadım Kýrales jáne Rýslan Amýrlaev. Áıelder – Darıa Klımına, Lıýdmıla Ahatova, Elızaveta Beleskaıa, Alına Skrıpkına, Krıstına Tıtıevskaıa, Ksenııa Dolgopolova jáne Polına Egorova.
Jazǵy bıatlonnan álem chempıonaty 1996 jyldan beri uıymdastyrylyp, onyń jalaýy 23 márte jelbiredi. Sońǵy dúbirli doda Chehııanyń Nove-Mesto qalashyǵynda ótti. Bul básekeniń jalpykomandalyq esebinde jergilikti sportshylar 18 júlde (11+5+2) oljalap, birinshi oryn aldy.