ASTANA. 11 mamyr. Búgin Mınskide ótip jatqan álem chempıonatynyń ekinshi týrynda Belarýs quramasy Qazaqstannyń bas komandasyn 4:1 etip utyp ketti. Bul týraly Chempıonat.Rý habarlady.
Alydmen túnde kesh bolyp ótken ekinshi týrdyń alǵashqy eki oıynynyń nátıjeleri týraly aıtaıyq. Osynyń aldynda fransýzdardan býllıtte utylǵan Kanada jasaǵy bul joly slovaktardy 4:1 etip tize búktirdi. Qarsylastar birinshi kezeńde gol kórgen joq. Al ekinshi kezeńniń ortasy aýa slovak Karol Sloboda Kanada qaqpasyn dál kózdedi.
Úzilistiń sońyna deıin kanadalyq Djoel Ýord esepti teńestirdi. Sońǵy kezeńde Úıeńki japyraǵy eliniń Kodı Hodjson,Kevın Bıeksa, sosyn taǵy Ýord syndy oıynshylary taǵy úsh shaıba saldy.
AQSh – Shveısarııa matchynyń da birinshi kezeńinde esep ashylǵan joq. Ekinshi kezeńde shveısarııalyqtar 2:1 esebimen alǵa shyqty. Sońǵy kezeńde AQSh hokkeıshileri jaýapsyz 2 shaıba túsirip, jeńisti tartyp áketti. Shveısarııalyqtardan Denıs Hollenshtaına men Damen Brýnner, amerıkalyqtardan Pıter Mıýller, Kreıg Smıt jáne Taıler Djonson goldardyń avtorlary atandy.
Búgin kúndiz jalǵasqan týr oıyndarynda Qazaqstan quramasy alań ıelerinen 1:4 esebimen utyldy. Esepti keshegi nemistermen oıyndaǵydaı, bul joly da Andreı Gavrılın ashty. Ol 5-mınýtta qarsylastar qaqpasyn dál kózdedi. О́kinishke oraı, jerlesterimizdiń erligi osymen bitti. Endi tek belorýstardyń joly bolyp turdy. Olar ekinshi kezeńniń basynda alańda kópshilik bolyp turǵan kezderinde Andreı Stepanovtyń kómegimen esepti teńestirdi. Arada jeti mınýt ótkende, Nıkolaı Stasenko birinshi ret óz komandasyn alǵa shyǵardy. Úshinshi kezeńde Belarýs quramasy taǵy eki shaıba salyp úlgerdi. Olardy Sergeı Kostısyn men Alekseı Kalıýjnyı jasady.
Bul týrdaǵy osy kezge deıin oınalǵan qalǵan oıyndardyń barlyǵy qarsylastardyń biriniń bir shaıba artyqshylyǵymen aıaqtaldy. Sóıtip, Fransııa Italııadan 1:2 bolyp utylsa, Norvegııa Danııany 4:3 etip jeńdi. Al Germanııa Latvııany 3:2 esebimen tize búktirdi.
Búgin túnde Shvesııa – Chehııa, Fınlıandııa – Reseı quramalary arasyndaǵy matchtarmen ekinshi týr márege jetedi.
Damır Qojamqul.
Derekkóz: Chempıonat.Rý.
Foto: Chempıonat.Rý.