Almaty qalasyndaǵy fızıka-matematıka baǵytyndaǵy Nazarbaev zııatkerlik mektebiniń 11-synyp oqýshysy Ersultan Pitebaı 12-22 tamyz aralyǵynda ótken International Olympiad on Astronomy and Astrophysics (IOAA) astrofızıka jáne astronomııadan halyqaralyq olımpıadanyń altyn medal ıegeri atandy.
Bedeldi týrnırde Qazaqstan namysyn Almatydaǵy fızıka-matematıka baǵytyndaǵy NIS oqýshylary Ersultan Pitebaı men Ahmadjon Tabarov qorǵady. IOAA mektep oqýshylarynyń astronomııa men astrofızıkaǵa qyzyǵýshylyǵyn arttyrý maqsatynda 2007 jyldan beri ótkizilip keledi.
15-shi olımpıada Grýzııada uıymdastyrylyp, 46 elden 250-ge jýyq joǵary synyp oqýshylary baq synasty. Intellektýaldy jarys álemniń talantty jastaryn bir alańǵa biriktire otyryp, olardyń astronomııa men jaratylystaný salasyndaǵy jetistikterin pash etýdi kózdeıdi.
ALMATY