Bul týraly Beeline Qazaqstan kompanııasynyń korporotıvtik komýnıkasııalar dırektory Alekseı Bendz (sýrette) habarlady.
Qalalyq qoǵamdyq kólikterde ınternetke tegin qosylýǵa múmkindik beretin keń kólemdi "Wifi bus" respýblıkalyq jobasy bastapqyda "synaqtyq rejım" retinde Petropavl qalasynda bastalǵan bolatyn. Jobaǵa mamyr aıynan bastap Kókshetaý qalasy da qosyldy. Budan keıin bul bastama Túrkistan, Qaraǵandy, Oral, Qostanaı, Atyraý jáne Qazaqstannyń basqa da qalalarynda iske qosylady.
3G WiFi-roýterlerdi – barlyq nıet bildirýshiler úshin búkil álemdik jelige qosylý múmkindigin taratatyn arnaıy aspaptardy, qalalyq avtobýstarda ornatqannyń arqasynda Kókshetaý qalasynyń turǵyndary ushqyr ınternetke qol jetkize alatyn boldy. Búgingi tańda osyndaı jabdyǵy bar 10 avtobýs qalada júr, aldaǵy ýaqytta olardyń sanyn aıtarlyqtaı arttyrý kózdelýde. Internetke qosylý úshin Wi-Fi qoldaný múmkindigi bar qurylǵy – smartfon, planshet nemese noýtbýk bolsa jetkilikti.
«Beeline Qazaqstan kompanııasynyń osyndaı qyzyqty da, qala úshin qajetti jobany iske qosqany úshin qýanyshtymyz. Ol turǵyndarǵa qala boıynsha júrý barysynda, joǵary jyldamdyqty ınternetti paıdalanýǵa múmkindik beredi. Onyń qoǵamdyq kóliktegi qyzmet kórsetýdi jaqsarta túsetini jáne júrginshilerdi arttyra túsetini kúmánsyz», - dep «Kókshetaý avtobýs parki» JShS-nyń dırektory Sharımova Asııa.
«WiFi Bus» jobasy Beeline usynǵan 3G jelisi arqyly taralady jáne klıentterge búkil Qazaqstan boıynsha mobıldi ınternetti paıdalanýǵa múmkindik beredi.
Danııar Alan.