Qazgıdromet sınoptıkteri aldaǵy demalys kúnderge arnalǵan aýa raıy boljamyn usyndy, dep habarlaıdy Egemen.kz.
Elimizdiń basym bóligi az qozǵalatyn antısıklon jotasynda bolǵandyqtan, demalys kúnderi soltústik óńirlerde kún jylynady.
«Eldiń soltústiginde, shyǵysynda jáne ońtústik-shyǵysynda aýa raıy jaǵdaıynyń qalyptasýyna atmosferalyq front aralasady, onymen kún kúrkirep, jel kúsheıedi. Respýblıkanyń soltústiginde, shyǵysynda jáne ortalyǵynda túngi ýaqytta topyraq betinde 2° úsik jáne tuman saqtalady», dep habarlady «Qazgıdromet» RMK baspasóz qyzmeti.
Aýa temperatýrasynyń negizgi aıasy: kúndiz batysta +30+35°S, soltústik-batysta +23+33°S, respýblıkanyń soltústiginde aýa temperatýrasy +17+25-ten +23+30°S-qa deıin, ortalyqta +15+22-den +20+31°S-qa deıin, shyǵysynda +13+21-den +20 +28°S-qa deıin kóteriledi, eldiń ońtústiginde aýa temperatýrasynyń negizgi aıasy +27+32°S, ońtústik-shyǵysynda +20+28°S.