ASTANA. 12 mamyr. Qazaqstan halqy 9 Mamyr – Jeńis kúnin atap ótýde aýyzbirshiliktiń jarqyn úlgisin kórsete bildi. Bul týraly egemen.kz tilshisi habarlady.
Jeńistiń 69 jyldyǵyn toılaý qarsańynda elimizdiń barlyq aımaqtarynda soǵys jáne tyl eńbekkerlerine aıyryqsha iltıpat kórsetildi. Olardyń qurmetine arnalǵan kóptegen mádenı is-sharalar uıymdastyryldy. Osy mereke barysynda qart maıdangerlerge páter kiltteri jáne basqa da baǵaly buıymdar, aqshalaı syılyqtar tapsyrylǵanyn da aıta keteıik.
Memleket basshysy Qazaqstan halqy Assambleıasynyń XXI sessııasynda sóılegen sózinde: «Bizdiń halqymyzdyń jáne búkil TMD halyqtarynyń Uly Otan soǵysynda surqııa sıpatty obany Jeńip shyǵý úshin qandaı uly qurbandyqtarǵa barǵanyn árkez este saqtaýǵa tıispiz. Ol árkezde de otbasynda, mektep pen joǵarǵy oqý oryndarynda, eńbek ujymdarynda árbir jańa býyndy tynymsyz tárbıeleýdiń taqyryby bolýy kerek. Fashızmdi talqandaǵan Jeńistiń eshqashan sanadan óshpeýiniń mańyzy zor! Sondyqtan 9 Mamyr – barsha úshin de mańyzdy kún», – degen bolatyn. Prezıdent Nursultan Nazarbaevtyń osy sózin basshylyqqa alǵan qazaqstandyqtar Jeńis kúnine barynsha mańyz berdi. Ásirese, Qazaqstan halqynyń Assambleıasy men etnomádenı ortalyqtar aıtýly kúnde meıilinshe belsendilik kórsetti.
Joldybaı Bazar.
Derekkóz: egemen.kz.
Foto: i-news.kz.