ShYMKENT. 12 mamyr. Ońtústik Qazaqstan oblysy ákimdiginiń bastamasymen ústimizdegi jylǵy mamyr aıynyń basynda oblys kásipkerleri Orta Azııanyń Malaızııa, Indonezııa, Ońtústik Koreıa sekildi elderine arnaıy issaparmen baryp qaıtty. Bul týraly oblys ákiminiń baspasóz qyzmeti habarlady.
Sapar aıasynda Malaızııa astanasy Kýala-Lýmpýrde «Ońtústik Qazaqstan oblysynyń ınvestısııalyq múmkindikteri» atty bıznes-forým uıymdastyryldy. Atalǵan sharaǵa oblystan 20-dan astam qurylym qatyssa, malaızııalyq 40-tan astam kompanııa forým jumysynda belsendilik tanytty. Onyń qorytyndysymen otandyq kásipkerler mashına jasaý, farmasevtıka, aýyl sharýashylyǵy, týrızm salalary boıynsha malaızııalyq áriptesterimen kelissózder júrgizip, ortaq memorandýmǵa qol qoıdy. Atap aıtqanda, V2V formatynda ótken kezdesýde «Shymkent qus» JShS malaızııalyq «Marditech» korporasııasymen birlese OMEGA-3 maıly qyshqylmen baıytylǵan taýyq jumyrtqasyn óndirý jáne halal standarttaryna sáıkes qus etin óndirý jobalaryryn iske asyrýǵa kelisimge keldi. Jobanyń qýattylyǵy jylyna 5 myń tonna eksportqa baǵyttalǵan ónim bolmaq.
Sonymen qatar, Ońtústikte halal ónimderin shyǵarý jobasy malaızııalyq kásipkerlerdi aıryqsha qyzyqtyrdy. Júrgizilgen kelissózder barysynda jergilikti «Qaıyp ata», «Shymkent ınnovasııa» JShS Ońtústik Qazaqstan oblysy kásipkerler palatasy men «Marditech» kompanııasy arasynda halal ónimderin shyǵarý jóninde kópjaqty memorandým túzildi. Máselen, «Qaıyp ata» JShS malaızııalyq «Exim Bank» arqyly qarjylandyryldatyn 10 mln AQSh dollary kóleminde 10 myń bas iri qara mal asyraý jóninde kelisimge qol qoıdy. Al Shymkent mańyndaǵy 18 ga aýmaqqa demalys aýmaǵyn salý jóninde «Kókterek» sanatorııi» JShS men «Urbanisma» korporasııasy arasynda quny 10 mln AQSh dollaryn quraıtyn jobaǵa qol qoıyldy. Osy kompanııa Túrkistan qalasynda 100 oryndyq qonaq úıin salýǵa da qyzyǵýshylyq tanytýda.
Murat Aıtqoja.
Derekkóz: egemen.kz.
Foto: ru.ontustik.gov.kz.