Ataqty shahmatshy, «Ýfımsev qorǵanysynyń» avtory Anatolıı Ýfımsevtiń týǵanyna bıyl 100 jyl toldy. Onyń qurmetine Qostanaı qalasynyń ortalyǵyndaǵy Shahmat klýbynyń qabyrǵasyna eskertkish taqta ilindi. Bul týraly egemen.kz tilshisi habarlady.
Taqtada «Osy shahmat klýbynda HH ǵasyrdyń 1987-2000 jyldary aralyǵynda kórnekti shahmat teoretıgi, Qostanaı qalasynyń qurmetti azamaty Anatolıı Gavrılovıch Ýfımsev óz tájirıbesin ortaǵa saldy. 11.05.1914—02.07.2000» dep jazylǵan jazý bar.
Eskertkish taqtanyń perdesin sypyrý qurmetine oblys ákimi Nuraly Sádýaqasov pen soǵys jáne sport ardageri Maǵaýııa Iýnýsov ıe boldy.
Ataqty shahmatshy Anatolıı Ýfımsev Qazaqstannyń 11 márte chempıony bolǵan. Sonymen qatar ataqty grossmeısterler Petrosıanmen, Spasskıımen sharshy taqtada kúsh synasqan. Olardy jeńgen kezderi de bolǵan. Onyń artynda «Ýfımsev qorǵanysy» atty keremet teorııa qaldy. Bul teorııa keıingi jyldary «Pırs-Ýfımsev qorǵanysy» dep te aıtylyp júr.
Qostanaıda bıyl shahmat teoretıginiń 100 jyldyǵyna oraı birneshe shahmat jarystary ótedi.
Názıra Járimbetova.
Derekkóz: egemen.kz.
Foto: vesti.kz.