ASTANA. 12 mamyr. Qazaqstannyń tutynýshylardyń quqyqtaryn qorǵaý agenttigi 2014 jyldyń 1 maýsymynan bastap el aýmaǵyna ishimdik ónimderin ákelýge jáne satýǵa ýaqytsha tyıym salady. Bul týraly vedomstvonyń baspasóz qyzmeti habarlady.
«Mundaı shara qabyldaýǵa Qazaqstannyń tutynýshylar naryǵynda Italııa, Fransııa, Shotlandııa, Reseı, Belarýsııada jáne basqa da kóptegen elderde shyǵarylǵan jáne ulttyq zańnamanyń talaptary men Keden odaǵynyń tehnıkalyq reglamentinde belgilengen talaptardy buza otyryp, satylatyn alkogol ónimderiniń elimizde kóptep taralýy sebep», - delingen habarlamada.
Bul eldegi alkogol ónimderin shyǵarýshylar zat tańbasynda 18 jasqa deıingi tulǵalarǵa tutynýǵa qoıylǵan shekteýde ishimdiktiń densaýlyqqa tıgizer zııanyn durys kórsetpegen. Sonymen qatar, zattańbasynda ónimdi shyǵarýshynyń ataýy, ornalasqan jeri nemese alkogoldik ónimdi ımporttaýshynyń meken-jaıy kórsetilmegen; ishimdiktiń quramy jazylǵan qaǵazdaǵy tańbalar anyq kórinbeıdi. Buǵan qosa, memlekettik tildegi aqparat joq nemese tolyq emes.
Murat Aıtqoja.
Derekkóz: Qazaqstannyń tutynýshylardyń quqyqtaryn qorǵaý agenttigi.
Foto: gotovbsam.ru.