Bıyl 34 mektep paıdalanýǵa beriledi

«Bilimdi ult: tereń bilim, eńbek­qor­lyq jáne otanshyldyq qasıet» taqyrybynda ótken oblystyq tamyz pedagogıkalyq keńesinde oblys ákimi О́mirzaq Shókeev osyndaı derekter kel­tirdi.

«Memleket basshysynyń tapsyrmasyna sáıkes «Jaıly mektep» ulttyq qanatqaqty jobasy aıasynda úsh aýysymdy, apatty mektepterdi tolyǵymen joıý kózdelip otyr. Sondaı-aq 300, 600, 1 200 jáne 2 500 oryndyq jańa mektepter salý josparlandy. Osy qurylystyń nátıjesimen oblystyń 65 myńǵa jýyq oqýshysy jańa tıpti mektepte oqıdy. Oblystyq bıýdjet jáne «Aýyl – el besigi» baǵ­darlamasy aıasynda 32 mektepti kúrdeli jóndeýden ótkizýge qar­jy bólindi. Memleket tarapynan oblysymyzdyń orta bilim berý uıymdaryna qajetti qarjy qaralyp, jańa oqý ǵımarattarymen, materıaldyq-tehnıkalyq jáne oqý quraldarymen qamtamasyz etilip, jaǵdaı jasalýda. Byltyr qyrkúıek aıynda Túrkistan qa­la­synda 720 orynǵa ar­nal­ǵan hımııa-bıologııa baǵytyndaǵy Na­zar­­baev zııatkerlik mektebi ashylyp, 500 oqýshy qabyldandy. Qosymsha bilimmen qamtý oblys­ta 70 paıyzǵa jetti. Osy baǵytta byltyr Túrkistan qalasynda «Oqý­shylar saraıy», «Aqjaıyq» saz mektebi jáne FabLab (laboratorııalar fabrıkasy) ashylyp, 3 500-ge jýyq oqýshy qosymsha bilimmen qamtylýda. Biz munymen toqtap qalmaımyz. Ár balanyń bos ýaqytyn tıimdi paıdalanýǵa erekshe kóńil bólemiz. Osyndaı ıgi shara­lardyń nátıjesinde óńirde jasós­pi­rimder arasyndaǵy qylmys pen quqyqbuzýshylyq 26 paıyzǵa tómendedi. Budan bólek, ulttyq qundylyqtardy, otbasylyq, rýhanı-adamgershilik tárbıeni damytýǵa ata-analardyń jaýapkershiligin arttyrýǵa tikeleı yq­pal etetin «Analar», «Ákeler», «Arda­gerler» keńesteriniń ju­my­syn erekshe atap ótý kerek», dedi oblys ákimi.

Sondaı-aq bilim salasyndaǵy máse­leler talqylanyp, josparlar baıan­dal­ǵan jıynda oblys ákimi eńbegi­men daralanǵan bir top ustazǵa Alǵyshat, Oqý-aǵartý mınıstrliginiń marapattaryn tabys etti.

Oblystyq bilim basqarmasynyń bas­shysy D.Bolathanulynyń aıtýyn­sha, óńirdegi mektepter jańa oqý jylyna daıyn. Bıyl Túrkistan obly­syndaǵy mektepterde 510 myń­nan asa oqýshy bilim alady. Bul – respýblıkadaǵy eń úlken kórsetkish, ıaǵnı árbir jetinshi bala Túrkistan oblysynda bilim alady degen sóz. Memlekettik bıýdjetten bólek orta bilim salasyn jeke sektordyń ınvestısııalaýy arqyly damytý qarqyndy júrgizilýde. О́tken jylmen salystyrǵanda jekemenshik mektepter sany 17-ge artyp (31%), bú­gingi tańda 56-ǵa jetip otyr, 1 406 mektepke deıingi uıym qyzmet etý­de. Balabaqsha ashý kórsetkishi bo­ıyn­sha da óńir elimizde aldyńǵy orynda. Tamyz keńesinde, sondaı-aq bi­lim sapasyn arttyrý, Turkistan bilimi strategııalyq damý josparyn ázirleý, ki­taphanalardy sıfrlandyrý, us­taz­dardyń bilimin arttyrý, mektep tapshylyǵyn joıý jáne ózge de máse­le­ler talqylanyp, baıandamalar jasaldy.

Aıta ketelik, ótken oqý jyly­nyń qorytyndysy boıynsha oqý­shy­lardyń úlge­rim sapasy 69,4 paıyz bolyp, aldyń­ǵy jylmen salystyrǵanda 5,7 pa­ıyzǵa ósken. Ulttyq biryńǵaı testi­leý nátıjesi boıynsha respýblıka kó­le­minde «100 úzdik mektep» tizimine Túrkistan oblysynyń 11 mektebi endi. Bul kórsetkish boıynsha Túrkistan oblysy respýblıkada ekinshi orynda.

Túrkistan oblysy