Kókshetaýda bes jasar bala kópqabatty turǵyn úıdiń tórtinshi qabatynan qulap ketti, dep habarlaıdy Egemen.kz.
«Atalǵan fakti boıynsha sotqa deıingi tergep-tekserý amaldary júrgizilýde. Polıseıler oqıǵanyń mán-jaıyn anyqtaýda», delingen QR IIM aqparattyq medıa-portalynyń saıtynda.
Oblystyq densaýlyq saqtaý basqarmasy balanyń kópsalaly oblystyq balalar aýrýhanasyna (MOO) jetkizilgenin habarlady.
«Dıagnozy: polıjaraqat, jabyq bassúıek-mı jaraqaty, mı shaıqalý, keýde omyrtqasynyń kontýzııasy, keýde qýysynyń kontýzııasy, ishtiń doǵal jaraqaty. Travmatıkalyq shok 1-2 gradýs. Bala jan saqtaý bóliminde jatyr», delingen Aqmola oblysy UQK baspasóz qyzmetinde.
Aqmolalyq polıseıler taǵy da ata-analardy balalarynyń qaýipsizdigin qadaǵalap, qaıǵyly saldardyń aldyn alýǵa shaqyrady.