Dombyra jasaýdyń sheberi

Bala kezinen ulttyq as­papqa qyzyqqan ol áýeli Aty­­­­raýdaǵy D.Nurpeıisova atyn­daǵy halyq mýzykasy aka­demııasynyń ja­nyndaǵy kolledjin bitirdi. Keıin H.Dos­­­­muhamedov atyndaǵy Aty­­­­raý ýnıversıtetinen jo­ǵary bilim alǵan soń Bereke aýy­­­lyn­da­ǵy mektepte dombyra klasyn ashqan. Munda balalarǵa dombyra tartýdy úıretti. Qoly bosaǵan kez­de dom­­byra jasaýdy kásibine aı­­naldyrdy.

– О́zim dombyrashy bol­ǵan soń balalardyń sapaly dombyrada oınaǵanyn qaladym. Ulttyq aspaptyń daýsy kúm­birlep, taza shyǵýy kerek. Al ba­zarlar men ózge saý­da oryn­darynda satylatyn as­pap­tar­dyń sapasy kóńilden shyq­paıdy. Sol sebepten, dom­­byra jasaýdy qolǵa al­dym, – deıdi Nurlybek Bısem­baev.

Buryn ákesi dombyra ja­saýdyń sheberi bolǵan. Áke­siniń isin jalǵastyrý úshin tórt jyl buryn dombyra jasaıtyn sheberhana ash­qan. Kásibin bastaý úshin mem­lekettik baǵdarlama ar­qyly jeńildetilgen nesıege ıe bol­ǵan. Sol qarjyǵa stanoktar men qajetti materıaldardy satyp alǵan. Onyń alǵashqy jasaǵan týyndysy Saraıshyq aýylyndaǵy mýzeıde tur.

Qazir Nurlybek Bısem­baev­tyń sheberhanasynda aıy­na 100-ge jýyq domby­ra ja­­­sa­la­dy. Dombyra jasaýǵa aǵa­lary kómektesedi. Birneshe adam­dy ju­myspen qamtyp otyr. Alma­tydan úıeńki, qa­ra­ǵaı, qara aǵash, qyzyl aǵash­ty tap­syryspen aldyrady. Dom­by­ranyń baǵasy materıaly men jasalý kúr­deliligine baılanysty 20 myń teńgeden bastalady. Elimizdiń ár óńirinen tapsyrys túsedi. Al kásibı dombyrashylar qymbat dombyraǵa tapsyrys beredi.

– Dombyra jasaýdaǵy maq­satym – kóp aqsha tabý emes, sapaly ulttyq aspap jasaý. О́zim dombyrashy bolǵan­dyqtan, dombyranyń dybysyn birden ajyratamyn. Sol sebep­ten, dombyra jasaý ke­zin­de buǵan erekshe nazar aýda­ra­myn, – deıdi ulttyq aspap jasaýdyń sheberi. Endi dombyra sheberhanasyn keńeıtip, aıyna 5 myń dombyra jasaýdy kózdep otyr. Bul úshin qosymsha stanoktar satyp almaq.

Atyraý oblysy