Medısınalyq qyzmetke shaǵym kóbeıip tur

Máselen, 2022 jyldyń 1 jarty­jyl­dyǵynda Áleýmettik medısınalyq saqtandyrý qoryna 11 myńnan asa adam medısınalyq qyzmettiń tómen sapasyna, medısınalyq qyzmet kórsetýden jáne dári-dármekpen qamtamasyz etýden bas tartýǵa qatysty shaǵym túsirgen. Bul halyq arasynda medısına qyzmetiniń sapasyna kóńil tolmaýshylyq ulǵaı­ǵa­nyn ári jurtshylyqtyń bul syny oryndy ekenin bildiredi. Mınıstr tal­daý málimetterin keltire otyryp, qyz­met sapasyna eń jıi shaǵym aıtylatyn aımaqtardy atady. Onyń ishinde Almaty, Nur-Sultan qalalary men Qaraǵan­dy, Almaty, Shyǵys Qazaqstan oblys­tary bar. Shaǵymdardyń túp sebebi me­dısınalyq kómektiń qoljetimdiligin qamtamasyz etýde problema bar ekenin aıqyndap berdi – mundaı shaǵymdardyń úlesi 26%-dy qurady (2021 jyly – 20,6%), medısınalyq qyzmet sapasyna qatysty shaǵymdar 23,2% (2021 jyly – 38%), medısınalyq kómekti uzaq kútýge qatysty shaǵym 8,5% (2021 jyly – 8,4%) qurady.

«Medısınalyq qyzmettiń sapasyna yqpal etýshi qural bolýǵa tıis Áleýmettik medısınalyq saqtandyrý qory monıtorınginiń róline aıryq­sha toqtalǵym keledi. Jalpy, qarjylan­dyrýdan alynatyn somanyń óskenine qaramastan, 2021 jyly qor sarapshylary 25,7 mlrd teńgege 1,1 mln olqylyqty áshkereledi. Jalpy alǵanda, Áleýmettik medsaqtandyrý qorynyń qarjylyq sanksııalarynyń tıimdiligi tómen ekeni baıqalady. Medısınalyq qyzmetti tıisti deńgeıde kórsetpeıtin ónim berý­shilerge qatysty yqpal etý sharalaryn qatańdatý kerek», dedi A.Ǵınııat.

Jyl saıyn bıýdjettiń ulǵaıatynyna qaramastan, mınıstrdiń aıtýynsha, dári-dármekpen qamtamasyz etý baǵytyn­da da túrli buzýshylyq faktileri anyq­talyp jatyr. Máselen, 2021 jyly Me­dı­sınalyq jáne farmasevtıkalyq ba­qylaý komıteti osyndaı 28 faktini anyq­tady. 72 jaýapty tulǵa ákimshi­lik jaýapkershilikke tartylyp, 10 mln teń­geden asa aıyppul salyndy. 2022 jyldyń birinshi jartyjyldyǵynda dári-dármekpen qamtamasyz etý boıyn­sha osyndaı 17 buzýshylyq tirkelip, 2,3 mln teńgeden asa aıyppul salyndy.

«Shaǵymdardyń 80%-yna medısına qyzmetkerleriniń, medısına uıym­dary basshylarynyń jurtpen álsiz kom­mýnıkasııasy sebep bolyp otyr. Pasıent­terdi qoldaý qyzmetiniń jumysyn medısına uıymynyń basshylary da, densaýlyq saqtaý basqarmalary da tıisti deńgeıde qadaǵalamaıdy», dedi vedomstvo basshysy.

600-den asa qyzmetkerden turatyn pasıentterdi qoldaý jáne ishki saraptama toby pasıentterdiń máselesin «dál qazir jáne dál osy jerde» qaǵıdatymen kezek kúttirmeı sheshýge tıis edi. Alaıda medısına qyzmetkerlerine shaǵym to­lastar emes. Shaǵymnyń 90%-y joǵa­ry turǵan ınstansııaǵa kelip túsedi. Demek, halyqtyń pasıentterdi qoldaý qyzmeti men medısına uıymdarynyń jáne densaýlyq saqtaý basqarmalarynyń ­basshylaryna senýden qalǵanyn bil­diredi dep aıtpasqa amal qalmady», dep qosty A.Ǵınııat.

Mınıstr, birinshi kezekte, medısına­lyq kómektiń sapasyn tıimdi basqarý mehanızmderin qoldanýǵa asa múddeli emes medısınalyq uıym basshylaryn synǵa aldy. О́ńirlerde medısına­­lyq uıymdardy akkredıtteý boıynsha jumys durys atqarylmaıdy. TMKKK/MÁMS ónim berýshileriniń 47%-y ǵana (847-den 401-i ǵana) akkredıttelgen. Klınıkalar eń az akkre­dıttelgen aımaq­tar qatarynda Qostanaı, Soltústik Qazaqstan, Almaty, Mańǵystaý, Shyǵys Qazaqstan oblystaryn jáne Shymkent qalasy tur. Akkredıtteý deńgeıi nebári 17%-30% aralyǵynda. Sondaı-aq lısenzııasyz qyzmet kórsetý, mamandardyń sertıfıkatsyz jumys isteý faktileri jıi tirkeletinine nazar aýdaryldy. Máselen, bıyl I jartyjyldyqta óńir­lerde lısenzııasyz qyzmet kórsetýdiń 706 faktisi anyqtaldy: 536 fakt – 42 Medısınalyq-sanıtarlyq alǵashqy kómek uıymynda jáne 170 fakt 32 stasıonarda tirkeldi. Mundaı jaıttar kóbinese Aqmola, Qaraǵandy, Qostanaı, Jambyl oblystarynda, Shymkent, Almaty qalalarynda kezdesedi. Sózin qoryta kele mınıstr jergilikti atqarý­shy organ ókilderin kadrmen qamtamasyz etý, medısına tehnıkasymen jabdyqtaý, MSAK-taǵy úzdik tájirıbelerdi taratý, aqparattyq júıelerdi sıfrlandyrý men ıntegrasııalaý prosesin aıaqtaý sekil­di birqatar ózekti máselege nazar aýdarýǵa shaqyrdy.

Sóz sońynda A.Ǵınııat óńirlerdiń medısınalyq kómektiń sapasy men qoljetimdiligine qatysty álsiz jumy­syn atap, birqatar tapsyrma berdi. Den­saýlyq saqtaý basqarmasy basshylaryna medısınalyq uıym basshylarymen birge halyqpen turaqty kezdesý uıymdastyryp, máselelerdi sheshý jóninde habardar etý, kadr qura­myn tekserip, pasıentterdi qoldaý qyz­me­­tiniń jumysyn jetildirý, olardyń ju­mysyn shaǵymdy azaıtýǵa jáne ha­lyq­pen keri baılanysty qamtamasyz etýge baǵyttaý, medısına uıymdarynyń birinshi basshylarynyń attestattaýyn­ júrgizip, sonyń nátıjesi boıynsha tıis­ti sharalar qabyldaýǵa keńes berildi.

Alqa otyrysynda sondaı-aq densaý­lyq saqtaý vıse-mınıstrleri men vedom­stvoǵa baǵynysty uıymdardyń basshylary bosandyrý qyzmeti jáne balalar densaýlyǵyna qamqorlyq qyzmetin jetildirý, aýyldaǵy densaýlyq saqtaý deńgeıin jaqsartý, EHealth sıfrlyq densaýlyq saqtaý júıesin qurý jáne MÁMS júıesiniń tıimdiligin arttyrý sekildi baǵyttar boıynsha Memleket bas­shysy tapsyrmalarynyń oryndalý barysy týraly baıandady.