Bas prokýratýra jas mamandardy tárbıeleýge kiristi

Elimizdiń Bas prokýratýrasy óz salasyndaǵy jas mamandardyń kásibı deńgeıleri men bilim-biligin arttyra túsýge aıryqsha kóńil bóle bastady. Keshe Astanada osy maqsatta tuńǵysh ret ashylǵan arnaıy kýrs iske kiristi.   Osyǵan arnalǵan jıyndy Bas prokýror Ashat Daýylbaev bas­tap berdi. Ol óz sózinde quqyq qorǵaý júıesin odan ári jań­ǵyr­týdyń memlekettik baǵdarla­ma­­syn, sondaı-aq quqyq qorǵaý or­gan­­­darynyń quqyqtyq saıasa­ty tu­jy­rymdamasyn júze­ge asyrý sheń­­berinde qadaǵalaý organ­da­ry­nyń aldyna qoıylǵan basty min­detterdiń biri tıimdi kadrlyq áleý­etti qalyptastyrý jáne nyǵaıtý bolyp tabylatynyn sóz etti. Prokýrorlyq qadaǵalaýdyń tıimdiligi, azamattardyń senim deńgeıi qyzmetkerlerdiń kásibıligine jáne quzyrettiligine, olardyń iskerlik jáne moraldyq qasıetterine táýeldi. Sondyqtan jas mamandardy daıarlaý jáne olardyń kásibı qalyptasý máseleleri erekshe mańyzdylyqqa ıe bolady. Jas prokýrorlarǵa arnap sóz sóıleı otyryp, A.Daýylbaev olardy árdaıym qoıylatyn talaptarǵa joǵary deńgeıde sáıkes kelýge, ózderiniń qyzmettik mindetterin oıdaǵydaı oryndaýǵa, azamattyq quqyqtar men bostandyqtardyń, qoǵam men memleket múddeleriniń kúzetinde bolýǵa, kúndelikti eńbekpen prokýratýranyń bedelin nyǵaıtýǵa, prokýrorlyq etıkanyń normalaryn múltiksiz saqtaýǵa, prokýrorlyq kásiptiń keremet dástúrlerin kóbeıtýge shaqyrdy. Jıynda Prezıdent Ákim­shiliginiń ókilderi, elimizdiń al­dyńǵy qatarly joǵary oqý oryn­darynyń jetekshileri, prokýratýra organdarynyń ardagerleri jas mamandarǵa jyly lebizderin bil­dirdi. Munda sala ardagerleri Maqsut Nárikbaev, Ońalsyn Ju­ma­bekov jınalǵan jas mamandar aldynda sóz sóılep, prokýratýra organdarynyń jumystary tóńi­regindegi óz tájirıbelerinen kóptegen mysaldar keltirdi. Eki aptalyq kýrstar barysynda tyńdaýshylar aldynda Bas prokýratýranyń departament basshylary, óńirlik prokýrorlar sóz sóılep, jas mamandar aldynda qadaǵalaý qyzmetiniń negizgi baǵyttary boıynsha ózderiniń baı tájirıbeleri men jınaǵan bilimderin jaıyp salady. Oqytý baǵdarlamasynda she­shendik óner, kóshbasshylyq qa­­sıetter, zańgerlik hattardyń tehnı­kasy tárizdi qajetti qosymsha daǵdylardy damytýǵa baǵyttalǵan arnaıy sabaqtar, sondaı-aq, stress turaqtylyǵy boıynsha trenıngter ótkizý josparlanyp otyr. Serik PIRNAZAR, «Egemen Qazaqstan».