Aqparattar aǵyny

* Keden odaǵy qurylǵaly Qa­zaqstanda avtomobıl óndirisi 24 esege ósti. Ekonomıka jáne bıýd­jettik josparlaý mınıstrligi ha­lyqaralyq ekonomıkalyq ıntegrasııa departamentiniń dırektory Ernar Bákenovtiń aıtýynsha, osy aralyqta shet elderge akkýmýlıator eksporttaý 1,7 esege, kondensator shyǵarý 1,3 esege ósken. «Bul Úkimettiń ıntegrasııalyq úr­dis aıasynda ótkizip otyrǵan oqıǵalarymen de baılanysty», – dedi ol. * 2017 jylǵy Ýnıver­sıa­danyń nysandary belgilengen mer­zimde tapsyrylýy tıis. Almaty qalasynyń ákimi Ahmet­jan Esimov keshe ońtústik megapo­lıstiń ınfraqurylymyna qosy­latyn qurylystardy kórý barysynda osyndaı tapsyrma berdi. * Astanada 15 mamyrda Esil­degi keme júzý maýsymy ashylady. Qazir osyny qamtamasyz etetin kásiporyn flotynda 8 keme qyzmet kórsetýge saqadaı-saı daıyn tur. Buǵan qosa, ózen boıynda «Kenesary» jáne «Redısson» dep atalatyn 2 aılaq qurylǵan. * Shymkentte avtomobıl shyǵaratyn zaýyt salý­ǵa nıet jasaldy. Mundaı mámi­lege Koreıada ótken Ońtústik Qazaq­­stannyń ınvestısııalyq múm­kin­­dikteri kórmesinde qol jetti. Forýmda tústik ólkeniń «Jıl­StroıIndýstrııa» JShS men koreıalyq «Seolim Trading» kompanııasy arasynda «Daewoo» av­to­kólikterin shyǵaratyn kásip­oryn ashý jónindegi kelisimge qol qoıyldy. * О́skemende qazaq tili men áde­bıeti páninen halyqaralyq olımpıada ótti. KSRO Mem­le­kettik syılyǵynyń laýreaty, akademık Qanıpa Bitibaeva atyndaǵy bilim saıysyna Qazaqstan aımaqtarynan bó­lek, Qyrǵyzstan, О́zbekstan, Moń­ǵolııa, Qytaı jáne Reseı mem­leketterinen kelgen 9-10 synyp oqýshylary qatysyp, qazaq tilinen bilim jarystyrdy. * Qyzylorda oblysynyń Qa­zaly aýdanynda apatty jaǵ­daıda turǵan 7 mektep ǵıma­rat­tary jańartylady. Munyń jaıyn burnaǵy kúni óńirde ótken aktıv jınalysyna qatysqan oblys ákimi Qyrymbek Kósherbaev tarqatyp aıtty. Bilim ǵımarattary keler jyldyń sońyna deıin salynady. Aımaq basshysynyń aıtýynsha, olardaǵy jaryq máselesin sheshýge oblystyq bıýdjetten 182 mln. teńge qarastyrylady. * Aqmola oblysynyń At­ba­sar qalasynda tasqynnan zar­­dap shekken turǵyndarǵa jańa úıler salynyp jatyr. Sarap­­shy uıymdardyń sheshimderi boıyn­sha 45 páterden turatyn 4 úı salý josparlandy. Sol sııaqty  medısına kolledjiniń burynǵy jataqhanasy kúrdeli jóndeýden ótkizilip, 29 bólmesi zardap shekkenderge berilmekshi. «QazAqparat», «Qazaqstan jańalyqtary», Egemen.kz habarlary boıynsha daıyndaldy.